imageDescription
mín að lesa

Advania og NVIDIA sameina kraftana á Iceland Innovation Week

Advania og NVIDIA taka saman þátt í Innovation Week í ár og eru á meðal aðalstyrktaraðila ráðstefnunnar. Tæknifyrirtækin ætla þar að kynna gesti ráðstefnunnar fyrir krafti gervigreindarinnar. Advania varð snemma á árinu Elite partner hjá NVIDIA og er nú í hæsta mögulega flokki samstarfsaðila tæknirisans, sem opnar á mikla möguleika.

Frá undirritun samningsins á milli Iceland Innovation Week, NVIDIA og Advania.

Fréttir - 8. maí 2025

Advania og NVIDIA sameina kraftana á Iceland Innovation Week

Advania og NVIDIA taka saman þátt í Innovation Week í ár og eru á meðal aðalstyrktaraðila ráðstefnunnar. Tæknifyrirtækin ætla þar að kynna gesti ráðstefnunnar fyrir krafti gervigreindarinnar. Advania varð snemma á árinu Elite partner hjá NVIDIA og er nú í hæsta mögulega flokki samstarfsaðila tæknirisans, sem opnar á mikla möguleika.

„Við erum einstaklega spennt fyrir samstarfi okkar við Advania og NVIDIA í ár. NVIDIA er eitt af stærstu tæknifyrirtækjum heims og við lítum á þátttöku þeirra sem tækifæri til að efla tengslin milli íslenskrar nýsköpunarfyrirtækja og alþjóðlegra leiðtoga í tæknigeiranum. Við hlökkum til að sjá hvernig þetta samstarf mun styrkja íslenska frumkvöðla og opna á ný tækifæri þegar kemur að tækniþróun og gervigreind,“ segir Melkorka Sigríður Magnúsdóttir einn stofnanda og eigenda Iceland Innovation Week.

„Það hefur verið ævintýri að vinna náið með NVIDIA undanfarna mánuði. NVIDIA kemur með dýrmæta reynslu að borðinu og sú víðtæka þekking sem er í hinum öfluga starfsmannahópi Advania og hið frábæra „látum þetta gerast“ viðmót sem einkennir menningu okkar, nýtist vel við þær áskoranir sem við erum að takast á við. Að eiga í nánu samstarfi við eitt öflugasta tæknifyrirtæki í heiminum á tímum þessarar risa tæknibyltingar er ekki bara tækifæri fyrir Advania heldur fyrir allt Ísland,“ segir Auður Inga Einarsdóttir framkvæmdastjóri innviðalausna hjá Advania.

Advania og NVIDIA verða með stóran bás við hlið stóra sviðsins á Iceland Innovation Week í Kolaportinu 14. og 15. maí þar sem margt spennandi verður í gangi og sérfræðingar frá báðum fyrirtækjum taka vel á móti gestum. Þann 14. maí höldum við einnig einstakan hliðarviðburð í næstu byggingu, á Pop-Up svæði nýsköpunarvikunnar á Hafnartorgi. Á viðburðinum Q&A with Advania and NVIDIA: Unlock the full potential of AI gefst gestum tækifæri til þess að læra um það hvernig fyrirtæki að öllum stærðum - ekki bara þau allra stærstu - geta nýtt mögnuð tól NVIDIA til að vaxa, bæta ferla og styrkja samkeppnishæfni. Á meðal þeirra sem koma fram er Linda Malm frá NVIDIA, Þórður Jensson forstöðumaður og Viðar Pétur Styrkársson vörustjóri gervigreindarlausna Advania . Arnar Ágústson deildarstjóri hjá rekstrarlausnum verður fundarstjóri viðburðarins.

Isabella Holmberg tengiliður Advania hjá NVIDIA mun einnig stíga á stóra sviðið í Kolaportinu þann 14. maí og halda fyrirlestur um gervigreind og hvernig tækni NVIDIA getur breytt hugmyndum í töfra.

Þann 15. maí verður svo sérstök Advania LIVE útsending frá Iceland Innovation Week og verður hægt að fylgjast með streyminu í beinni útsendingu. Líkt og á síðasta ári verður þar rætt við fyrirlesara og fleiri góða gesti um nýsköpun, gervigreind, sjálfbærni og margt fleira.

Í þessari viku tekur nýsköpun yfir borgina og halda Advania og NVIDIA einnig vinnustofu á þriðjudag um hagnýtingu gervigreindar  íslensku atvinnulífi í húsakynnum Advania.

Iceland Innovation Week er árleg nýsköpunarvika sem hefur það markmið að efla frumkvöðlastarfsemi og tækniframfarir á Íslandi. Iceland Innovation Week hefur orðið vettvangur sem dregur að sér bæði innlenda og erlenda sérfræðinga og hefur þannig stuðlað að aukinni alþjóðlegri athygli á nýsköpunarumhverfi Íslands.

Fleiri fréttir

Fréttir, Power Platform
06.11.2026
Advania hélt í vikunni morgunverðarfund um næstu bylgju Microsoft Power Platform, þar sem fjallað var um hvernig öpp, sjálfvirkni og gervigreindarerindrekar eru að breyta vinnulagi fyrirtækja.
Fréttir
05.11.2026
Í tengslum við Haustráðstefnu Advania í ár héldum við sérstakan HPE Deep Dive viðburð þar sem sjónum var beint að þróun netkerfa, sjálfvirkni og hlutverki gervigreindar í rekstri þeirra.
Fréttir
03.11.2026
Hvernig geta sveitarfélög nýtt gervigreind og sjálfvirkni til að einfalda dagleg verkefni, bæta þjónustu við íbúa og draga úr handavinnu? Það var viðfangsefni morgunverðarfundar Advania um gervigreind og sjálfvirkni fyrir sveitarfélög sem haldinn var 2. nóvember.
Fréttir
30.10.2026
**Starfsmaður opnar viðhengi, slær inn lykilorðið og staðfestir innskráninguna með fjölþátta auðkenningu. Svo heldur hann áfram að vinna í tölvupóstinum eins og ekkert hafi í skorist. Á meðan situr árásaraðili inni í sömu lotu og undirbýr að fá falsaðan reikning greiddan.**
Fréttir
29.10.2026
Ingunn Guðmundsdóttir hefur tekið við starfi mannauðsstjóra Advania. Hún hefur starfað hjá Advania undanfarin þrjú ár við mannauðsmál og stjórnendaráðgjöf.
Fréttir
29.10.2026
Advania er í hópi Framúrskarandi fyrirtækja 2026 samkvæmt greiningu Creditinfo. Listinn var kynntur við hátíðlega athöfn í Hörpu í gær.
Fréttir
28.10.2026
Fyrir ári fór ný vefverslun Nathan í loftið, byggð á DynamicWeb í samstarfi við Advania. Við óskum Nathan innilega til hamingju með eins árs afmæli sameinaðs félags og nýju vefverslunarinnar.
Blogg
27.10.2026
Í morgun opnuðum við hliðin, og það sem beið hinum megin stóðst allar væntingar. Full stofa, ilmandi morgunverður og rafmagnað andrúmsloft. Morgunfundurinn Opnum hliðin með Genesys í Guðrúnartúni heppnaðist einstaklega vel, og við sitjum eftir með bros á vör og fullt af nýjum hugmyndum.
Blogg
26.10.2026
Hvernig geta fyrirtæki farið frá því að prófa gervigreind yfir í að nýta hana til að skapa raunverulegt virði? Á Innovation Day Reykjavík verður sjónum beint að næsta skrefi í þróun gervigreindar, þar sem fólk og gervigreindarerindrekar (e. AI agents) vinna saman.
Fréttir
26.10.2026
Fréttir af gervigreind sem brýst út og hakkar sig inn í kerfi af eigin vilja hljóma eins og vísindaskáldskapur. Á bak við slík tilvik er þó alltaf manneskja sem setti markmiðið. Gervigreindin fann bara leiðina sjálf.
Fréttir, businesscentral.advania.is
22.10.2026
Nýjungar í Business Central, gervigreind og aukin sjálfvirkni voru í brennidepli á morgunverðarfundi Advania sem haldinn var í gær. Þar var meðal annars farið yfir nýjungar í Business Central 29, hvernig Copilot og gervigreindarerindrekar geta einfaldað dagleg störf og nýjungar í viðbótum Advania. Einnig kynnti Pósturinn nýtt app fyrir Business Central.
Fréttir
21.10.2026
Fyrr í dag vakti CERT-IS athygli á tveimur alvarlegum öryggisveikleikum í PHP-forritunarmálinu sem knýr mikinn fjölda vefsíða. Rekstrarteymi Advania brást strax við.
Viltu vita meira?

Tölum saman

Viltu vita meira? Sendu okkur fyrirspurn.