imageDescription
mín að lesa

Ráðleggingar vegna vefveiðipósta sem eru enn í umferð

Fréttir - DD.11.YYYY

Ráðleggingar vegna vefveiðipósta sem eru enn í umferð

Bjarki Traustason
öryggisráðgjafi og sölustjóri Skjaldar hjá Advania

Við vekjum athygli á að enn eru vefveiðipóstar að berast til íslenskra fyrirtækja. Í þessari viku hafa fjölmargir aðilar sem eru ekki á bak við varnir Skjaldar haft samband og óskað eftir aðstoð við hreinsun og yfirferð á umhverfum sínum. Við viljum því eindregið hvetja fyrirtæki til að upplýsa starfsfólk sitt um að vera á varðbergi og nýta „Report Phishing“ hnappinn við ef einhver grunur er um ólögmæta pósta.

Hvað er að gerast? – Yfirlit yfir vefveiðiherferðina

CERT-IS og margir viðskiptavinir Skjaldar hafa greint frá mjög trúverðugri svikaherferð sem byggir á Excel-skjölum og fölsuðum Microsoft-innskráningum. Póstarnir virðast koma frá traustum aðilum hér á landi en aðgangurinn er svo tekinn yfir og notaður til að senda herferðina áfram. Þetta gerir árásina aðgengilega, sannfærandi og sérlega varasama.

Helstu skref árásarinnar:

  1. Póstur frá traustum aðila (búið að taka yfir aðgang hjá raunverulegu íslensku fyrirtæki).
  2. Excel-skjal í viðhengi merkt sem „reikningur“ eða „invoice“.
    -Athugið að bara við það að opna skjalið, geta átt sér stað aðgerðir á bak við tjöldin.
  3. Hlekkur í skjalinu opnar falsaða Microsoft-innskráningu.
  4. Notandi slær inn netfang + lykilorð + MFA, og árásaraðili fær „session token“ og kemst yfir aðgangsupplýsingarnar.
  5. Aðgangurinn er svo notaður til að senda nýja bylgju pósta á fleiri fyrirtæki.

Staðan hjá þeim sem eru á bak við Skjöld hjá Advania

Fyrirtæki sem eru með varnir Skjaldar fá yfirleitt ekki þessar sendingar inn á pósthólfin sín, því viðskiptavinir Skjaldar eru með aukna póstvörn. Í stöku tilfellum geta þessir póstar sést í örskamma stund en hverfa svo þegar varnir okkar hafa sannreynt að um svikapóst er að ræða.

Þó er vert að nefna að í þessum herferðum koma póstar frá lögmætum íslenskum aðilum, svo það getur komið fyrir að allar varnir, hvort sem það er Skjöldur, Microsoft eða aðrar , grípi ekki póstinn strax, því hann kemur frá lögmætu, raunverulegu fyrirtæki.

Mikilvægt að vita: Ef notandi smellir óvart á hlekk eða opnar skjal sem inniheldur vírus, þá fara af stað viðvörunarbjöllur hjá vörnum Skjaldar og teymið okkar fer í málið.

Ráðleggingar til fyrirtækja sem eru ekki í Skildi

  • Upplýsið starfsfólk tafarlaust
    • Varið við óvæntum póstum sem innihalda Excel-skjöl
    • Skoðið og lesið vel lén á innskráningarsíðum (til dæmis Login.microsoftonline.com) og staðfestið að það sé rétt lén
    • Notið „Report Phishing“ við minnstu efasemdir
  • UT deildir ættu að fylgjast vel með innskráningum og aðgangsstillingum
    • Athugið óeðlilegar innskráningar frá útlöndum
    • Farið yfir nýjar eða óþekktar póstreglur
    • Skoðið hvort „Perfect Data“ er tengt aðganginum (því það getur exportað gögnum)
  • Ef grunur vaknar um aðgangsmissi
    • Veljið „Revoke all sessions“
    • Endursetjið lykilorð
    • Endursetjið MFA á ný
    • Fjarlægið einnota lykilorð (OTP) ef þau hafa verið virkjuð
    • Athugið fleiri aðganga sem gætu verið í hættu
  • Tilkynnið atvikið
    • CERT-IS tekur við tilkynningum um öryggisatvik
    • Persónuvernd gæti þurft að fá tilkynningu ef pósthólf eða gögn hafa verið lesin

Við erum tilbúin til þess að aðstoða!

Ef þið viljið aðstoð við greiningu, ráðgjöf, hreinsunarvinnu eða einfaldlega skoða þann möguleika að komast á bak við varnir Skjaldar, öryggisþjónustu Advania, þá erum við til taks og svörum hratt.

Við erum hér til að styðja ykkur, bæði í forvörnum og þegar atvik koma upp.

Fleiri fréttir

Fréttir, Power Platform
06.11.2026
Advania hélt í vikunni morgunverðarfund um næstu bylgju Microsoft Power Platform, þar sem fjallað var um hvernig öpp, sjálfvirkni og gervigreindarerindrekar eru að breyta vinnulagi fyrirtækja.
Fréttir
05.11.2026
Í tengslum við Haustráðstefnu Advania í ár héldum við sérstakan HPE Deep Dive viðburð þar sem sjónum var beint að þróun netkerfa, sjálfvirkni og hlutverki gervigreindar í rekstri þeirra.
Fréttir
03.11.2026
Hvernig geta sveitarfélög nýtt gervigreind og sjálfvirkni til að einfalda dagleg verkefni, bæta þjónustu við íbúa og draga úr handavinnu? Það var viðfangsefni morgunverðarfundar Advania um gervigreind og sjálfvirkni fyrir sveitarfélög sem haldinn var 2. nóvember.
Fréttir
30.10.2026
**Starfsmaður opnar viðhengi, slær inn lykilorðið og staðfestir innskráninguna með fjölþátta auðkenningu. Svo heldur hann áfram að vinna í tölvupóstinum eins og ekkert hafi í skorist. Á meðan situr árásaraðili inni í sömu lotu og undirbýr að fá falsaðan reikning greiddan.**
Fréttir
29.10.2026
Ingunn Guðmundsdóttir hefur tekið við starfi mannauðsstjóra Advania. Hún hefur starfað hjá Advania undanfarin þrjú ár við mannauðsmál og stjórnendaráðgjöf.
Fréttir
29.10.2026
Advania er í hópi Framúrskarandi fyrirtækja 2026 samkvæmt greiningu Creditinfo. Listinn var kynntur við hátíðlega athöfn í Hörpu í gær.
Fréttir
28.10.2026
Fyrir ári fór ný vefverslun Nathan í loftið, byggð á DynamicWeb í samstarfi við Advania. Við óskum Nathan innilega til hamingju með eins árs afmæli sameinaðs félags og nýju vefverslunarinnar.
Blogg
27.10.2026
Í morgun opnuðum við hliðin, og það sem beið hinum megin stóðst allar væntingar. Full stofa, ilmandi morgunverður og rafmagnað andrúmsloft. Morgunfundurinn Opnum hliðin með Genesys í Guðrúnartúni heppnaðist einstaklega vel, og við sitjum eftir með bros á vör og fullt af nýjum hugmyndum.
Blogg
26.10.2026
Hvernig geta fyrirtæki farið frá því að prófa gervigreind yfir í að nýta hana til að skapa raunverulegt virði? Á Innovation Day Reykjavík verður sjónum beint að næsta skrefi í þróun gervigreindar, þar sem fólk og gervigreindarerindrekar (e. AI agents) vinna saman.
Fréttir
26.10.2026
Fréttir af gervigreind sem brýst út og hakkar sig inn í kerfi af eigin vilja hljóma eins og vísindaskáldskapur. Á bak við slík tilvik er þó alltaf manneskja sem setti markmiðið. Gervigreindin fann bara leiðina sjálf.
Fréttir, businesscentral.advania.is
22.10.2026
Nýjungar í Business Central, gervigreind og aukin sjálfvirkni voru í brennidepli á morgunverðarfundi Advania sem haldinn var í gær. Þar var meðal annars farið yfir nýjungar í Business Central 29, hvernig Copilot og gervigreindarerindrekar geta einfaldað dagleg störf og nýjungar í viðbótum Advania. Einnig kynnti Pósturinn nýtt app fyrir Business Central.
Fréttir
21.10.2026
Fyrr í dag vakti CERT-IS athygli á tveimur alvarlegum öryggisveikleikum í PHP-forritunarmálinu sem knýr mikinn fjölda vefsíða. Rekstrarteymi Advania brást strax við.
Viltu vita meira?

Tölum saman

Viltu vita meira? Sendu okkur fyrirspurn.