imageDescription
mín að lesa

Bættu vefverslunina þína

Viltu hlúa betur að vefverslun þinni og auka sölu? Hér eru einföld ráð til að standa betur að vefverslun og bæta upplifun viðskiptavinarins af viðskiptunum.

Blogg - 4. júlí 2019

Bættu vefverslunina þína

Viltu hlúa betur að vefverslun þinni og auka sölu? Hér eru einföld ráð til að standa betur að vefverslun og bæta upplifun viðskiptavinarins af viðskiptunum.

Viltu hlúa betur að vefverslun þinni og auka sölu? Hér eru einföld ráð til að standa betur að vefverslun og bæta upplifun viðskiptavinarins af viðskiptunum.

Bragi Gunnlaugsson vefverslunarstjóri Advania skrifar:

Vertu með skýr markmið
Settu versluninni mælanleg markmið. Í staðinn fyrir að hugsa „ég ætla að auka sölu“ er betra að tala um prósentuaukningu í sérstökum flokkum innan tiltekins tíma. Hvernig á að standa að aukningunni? Hver ber ábyrgð á henni? Hvernig á að mæla aukninguna? Þessi atriði þarf að hugsa svo raunhæft sé að salan aukist.

Vertu gagnadrifin/n
Besta leiðin til árangurs er að mæla hvað virkar og hvað virkar ekki. Notaðu tól eins og Google Analytics til að fylgjast með hlutum eins og hvaða síður fá mikla umferð, hvaða hópar hafa áhuga á því sem þú ert að selja og hversu margir setja vörur í körfu án þess að klára kaupin? Kemur traffík inn í vefverslunina af þessum Facebook færslum sem birtar hafa verið? Þú getur notað tól  til að mæla hversu hátt „bounce rate“ hver síða hefur. Ef bounce rate-ið er hátt, þarf að endurskoða síðuna eða það sem á henni er því gestir stoppa ekki við. Er eitthvað að virka á einni síðu sem væri jafnvel hægt að heimfæra á þessa?
Með lausnum eins og Hotjar er svo hægt að sjá á hvað gestir gera á einstaka síðum. Á hvað þeir smella og hvort þeir skruni niður. Ef „fold-ið“ (nefnt eftir broti í dagblaði) er ofarlega á síðunni, þá hafði gesturinn ekki áhuga á að sjá það sem neðri hluti síðunnar bauð uppá. Passaðu að hafa mikilvægustu upplýsingarnar efst á síðunni og alls ekki treysta á að viðskiptavinur þinn hafi þolinmæði til að fara alla leið niður.  

Vertu viðskiptavinamiðuð/aður
Vefverslun er eins og hver önnur verslun; sumum vörum er raðað út í glugga á meðan aðrar eru best geymdar uppi í hillu. Raðaðu vörunum upp eins og viðskiptavinurinn kallar eftir, ekki setja óvinsælar vörur fremst þó það sé freistandi til að losa þær af lager. Þá sér viðskiptavinurinn kannski ekki það sem hann virkilega vill kaupa. Ef þú sérð eitthvað spennandi í glugga á Laugarveginum, er líklegra að þú kíkir inn ekki satt? Gættu að því að það séu góðar myndir af öllum vörum og mundu að lífsstílsmyndir sem sýna vöruna í notkun gera heilmikið.

Sýndu virðið
Ekki gleyma að hafa virðið þitt sýnilegt. Er frí heimsending? Ertu með lægsta verðið? Býður þú upp á einstaka vörur? Passaðu að það fari ekki framhjá gestum þínum af hverju þeir ættu að versla hjá þér. Ef þú hefur möguleika á að auka virðið (t.d að veita afslátt við fyrstu kaup eða við skráningu á póstlista) skaltu ekki vera feimin/n við að flagga því sérstaklega. Pop up gluggar eru kannski þreytandi en ef skilaboðin eru góð og virðið raunverulegt, eru flestir tilbúnir í smá pop up.

Passaðu notendaviðmótið
Passaðu að allur kaupferillinn sé skýr frá upphafi. Huggulegar auglýsingar á Facebook skila engu ef viðskiptavininum er ekki beint strax inn á það sem þú ert að vekja athygli á. Því er nauðsynlegt að vera með svokallað „call to action“ í öllum kynningum, leið fyrir viðskiptavininn til að kynna sér málin nánar eða hafa samband. Ef það þarf að kynna vöru sérstaklega er kannski góð hugmynd að hafa lendingarsíðu en þá verður að vera á hreinu hvernig klára á kaupin. Gott er að ímynda sér að viðskiptavinurinn sé á ferðalagi sem eigi að enda með því að hann kaupi vöruna frekar en að hann lendi á vegg. Ekki búa til útúrdúra, hafðu verslunarferilinn einfaldan. 

Ekki gleyma að líklega er tæpur helmingur þeirra sem heimsækja síðuna þína eru að gera það í farsíma. Skoðaðu verslunina í farsímanum þínum og notaðu tól eins og Google Search Console sem fer yfir síðuna og kemur með tillögur að útbótum.

Þessi listi er að sjálfsögðu ekki tæmandi og í mörg horn að líta. Ef þig vantar aðstoð við uppsetningu á þinni vefverslun, hvetjum við þig til að hafa samband við okkur. Teymið okkar hefur áratuga reynslu af uppsetningu vefja og ávallt reiðubúið til að miðla reynslu sinni.


Fleiri fréttir

Blogg
04.02.2026
Eftir því sem þróunarteymi vinna meira að gervigreindarlausnum hefur þörfin fyrir öfluga örgjörva og GPU aukist verulega. Til að mæta þessari þörf hafa mörg teymi fært þróunarumhverfi sín yfir í skýjaþjónustur sem sérhæfa sig í HPC og gervigreindarvinnslu. Það er skiljanlegt, skýið býður upp á skjótan aðgang að afli, sveigjanleika og möguleika á að skala upp á stuttum tíma.
Fréttir
04.02.2026
Í dag fer fram ráðstefnudagur hinnar árlegu UTmessu í Hörpu. Á UTmessunni koma saman helstu tæknifyrirtæki landsins til að deila nýjungum, hvetja fólk til að kynnast iðnaðinum og sýna hvað tæknin getur gert fyrir daglegt líf og rekstur fyrirtækja. Þetta er í 16. skipti sem UTmessan er haldin.
Blogg
04.02.2026
Advania CX Forum er árleg ráðstefna þar sem viðskiptavinir Advania frá öllum Norðurlöndunum koma saman til að fræðast, miðla reynslu og kynnast öðrum notendum Genesys kerfisins. Í ár var engin undantekning, ráðstefnan var einstaklega vel heppnuð, faglega sterk og skemmtileg í senn. Hún skapaði vettvang þar sem sérfræðingar, stjórnendur og tækniaðilar gátu rætt nýjustu lausnir í þjónustutækni og fengið dýpri innsýn í þróunina sem mótar framtíðina.
Blogg
02.02.2026
Ný lög nr. 78/2025 um stafrænan viðnámsþrótt fjármálamarkaðar, sem innleiða DORA reglugerð Evrópusambandsins, marka þáttaskil í kröfum til fjármálafyrirtækja og þjónustuaðila þeirra hér á landi. Regluverkið gerir ríkar kröfur um skipulag, skjalfestingu og raunverulegt viðnámsþol upplýsinga og fjarskiptakerfa, með aukinni ábyrgð stjórnenda og skýrari væntingum til þjónustuaðila.
Blogg
29.01.2026
Í dag eru flestir farnir að nota gervigreind, hvort sem það er heima eða í vinnu. Copilot fyrir Microsoft 365 er eitt af þeim gervigreindartólum sem getur gert lífið miklu einfaldara. Hann hjálpar við að skrifa, skipuleggja, finna upplýsingar og klára verkefni hraðar. Flestir byrja á Copilot Chat, en ef þú vilt virkilega fá sem mest út úr Copilot, þá er fulla útgáfan af Copilot málið.
Fréttir
29.01.2026
Advania hefur haldið stöðu sinni sem VMware Cloud Service Provider (VCSP) samstarfsaðili hjá Broadcom, á Íslandi sem og á öllum öðrum markaðsvæðum fyrirtækisins.
Blogg
27.01.2026
Advania er umboðsaðili Airtame á Íslandi  en Airtame hefur í áraraðir verið í fararbroddi þegar kemur að sveigjanlegum, þráðlausum lausnum fyrir fundarherbergi, skólastofur og önnur samvinnurými. Nú hefur fyrirtækið kynnt Airtame 3, sem er stærsta stökk þeirra til þessa.
Blogg
15.01.2026
Gervigreind hefur á undanförnum misserum orðið órjúfanlegur hluti af daglegu vinnuflæði á flestum vinnustöðum. Starfsmenn nýta alls konar tól til að auka afköst, skrifa texta, greina gögn og búa til efni – oft án þess að hugsa sig tvisvar um. Þetta getur verið frábært, því rétt notuð getur gervigreind hjálpað fólki að blómstra í starfi!
Blogg
09.01.2026
Í dag hefur aldrei verið jafn mikilvægt fyrir fyrirtæki að skapa sterkt vörumerki og flott myndrænt efni sem nær til viðskiptavina. Eins og mörg fyrirtæki þekkja nú þegar, er Adobe Creative Cloud Pro besta lausnin í verkið.
Blogg
07.01.2026
Eins og allir sannir nördar vita, er tæknisýningin CES í fullum gangi þessa dagana í Las Vegas. Okkar fólk hjá Dell er vitaskuld á staðnum og hefur nú þegar kynnt tvo verulega spennandi hluti.
Blogg
05.01.2026
Við erum spennt að tilkynna að Advania Ísland hefur fengið staðfestingu frá Broadcom um að við höldum áfram sem viðurkenndur VMware endursöluaðili samkvæmt uppfærðri Broadcom Advantage Partner Program samstarfsáætlun.
Blogg
09.12.2025
Það er gaman að segja frá því að næsta skref í þróun og reiknilíkönum fyrir gervigreind er á leiðinni. Advania kynnti fyrir stuttu NVIDIA DGX Spark vélina sem seldist upp samdægurs, nú er komið að Dell að taka við keflinu.
Viltu vita meira?

Tölum saman

Viltu vita meira? Sendu okkur fyrirspurn.