Er kreditkortið mitt öruggt?
Auðveldara er að stela fjármunum með því að komast yfir kreditkortaupplýsingar en að ræna bankaútibú
Auðveldara er að stela fjármunum með því að komast yfir kreditkortaupplýsingar en að ræna bankaútibú
Slíkar upplýsingar eru gjarnan seldar áfram til annara glæpamanna um allan heim sem nýta kortin í vafasömum tilgangi. Til að þetta sé hægt þarf að hafa kortanúmer og PIN númer. Þessum upplýsingum er hægt að ná með því að blekkja eiganda kortsins til að renna því í gegnum lesara sem les kortanúmer og PIN númer. Hraðbankar eru því skotspónn þeirra sem vilja stela kortaupplýsingum.
Fyrstu hraðbankasvindlararnir gengu svo langt að búa til gervihraðbanka sem litu út eins og venjulegir hraðbankar með kortalesara, lyklaborði, skjá og prentara. Gervihraðbankar voru gjarnan settir á fjölfarna staði og virkuðu þannig að grandalausir korthafar stungu kortum sínum í lesarann og slógu inn PIN númer sín til að taka út peninga. Skjárinn á gervibankanum birti villuboð sem gáfu til kynna að hraðbankinn væri bilaður þannig að fólk tók kortið og hélt sína leið, grunlaust um að lesari í tækinu skráði kortaupplýsingarnar og PIN númerin.
Viltu vita meira? Sendu okkur fyrirspurn.