imageDescription
mín að lesa

Er menningin að éta breytingarnar?

Ein af vinsælustu tilvitnunum stjórnunarfræðanna er höfð eftir Peter Drucker: Culture eats strategy for breakfast.

Blogg - 24. júní 2019

Er menningin að éta breytingarnar?

Ein af vinsælustu tilvitnunum stjórnunarfræðanna er höfð eftir Peter Drucker: Culture eats strategy for breakfast.

Ein af vinsælustu tilvitnunum stjórnunarfræðanna er höfð eftir Peter Drucker:

Culture eats strategy for breakfast.

Brynjólfur Ægir Sævarsson forstöðumaður stjórnendaráðgjafar Advania skrifar: 

Þeir sem hafa reynslu af innleiðingu breytinga vita hvers vegna þessi tilvitnun hefur náð svo miklu flugi. Það er einmitt í menningu og viðtökum starfsfólks sem breytingaverkefni stranda langoftast. Þetta eru engar nýjar fréttir en áherslurnar á menningu og mannlega þáttinn í breytingum er sífellt að aukast. En hverjar eru áskoranirnar og hvernig er best að mæta þeim?

Í könnun sem greiningarfyrirtækið Gartner gerði á þessu sviði kom í ljós að aðeins 31% mannauðsstjóra segja að núverandi menning styðji við framtíðarrekstur fyrirtækisins. Þetta virðast kannski sláandi niðurstöður en þær þýða að í raun eru flestir stjórnendur að glíma við sama vandamálið. Þegar kemur að breytingum á menningu trúir 69% starfsfólks ekki á nýjar áherslur, 87% skilja þær ekki og 90% hegða sér ekki í samræmi við þær.

Samkvæmt rannsóknum Gartner eru það þrír þættir sem eru einkum vandamál við breytingar á menningu: Að starfsfólk þekki ekki hvernig hin æskilega menning á að vera; að það trúi ekki á hana eða starfsfólk hegði sér ekki í samræmi við hana. Galdurinn er því fólginn í því að brúa þessar þrjár gjár: Þekkingu, hugarfar og hegðun.

Hvað er til ráða?

  • Forsendan er að sjálfsögðu að stjórnendur hafi sýn á hvernig menning hentar fyrirtækinu best og komi henni á framfæri með réttum hætti. Stjórnendur geta sett áherslur sínar um menningu fram með ýmsum hætti. Gildi, framtíðarsýn og stefnustef eru algengar leiðir. En oft er orðalagið þannig að áherslan er á það sem stjórnendum þykir vanta. Forstjóri sem vill leggja áherslu á nýsköpun gæti því sagt eitthvað á þessa leið: "Við ætlum að leiða nýsköpun í okkar grein og hafa hana að leiðarljósi í öllu sem við gerum." Það er vissulega gott markmið, en hlutirnir eru yfirleitt ekki svo einfaldir. Fyrirtækið er nú þegar að gera eitthvað vel og starfsfólk getur upplifað að lítið sé gert úr því sem vel er gert. Þungt regluverk eða sterkar vörur sem hafa gengið vel, geta líka leitt til viðspyrnu gegn nýsköpun í hugum starfsfólks. Það er því líklegra til árangurs að ávarpa togstreituna milli núverandi ástands og vænts ástands. Með þeim hætti er öllum gert ljóst að breyttri menningu fylgja áskoranir og hvernig þeir eiga að takast á við þær í daglegum störfum sínum.
  • Vinnustaðagreiningar eru hin hefðbundna leið til að mæla ánægju starfsfólks og bera kennsl á styrkleika og vandamál í tengslum við menningu. Þær einar og sér eru þó takmarkað tól. Þær kafa ekki mjög djúpt og eru yfirleitt aðeins framkvæmdar einu sinni eða tvisvar á ári. Undanfarið hafa því áherslur úr hönnunarhugsun (design thinking) rutt sér til til rúms í þessum málum. Með viðtölum um upplifun starfsfólks er hægt að greina vandann og bregðast hratt við. Slík viðtöl er mun ódýrara að framkvæma reglulega á milli þess sem vinnustaðagreiningar eru gerðar. Viðtölin skila upplýsingum um nákvæmlega hvar vandamálin liggja.
  • Sumt starfsfólk upplifir yfirlýsingar stjórnenda um breytta menningu sem hræsni. Sérstaklega þegar þeim fylgir ekki stuðningur við starfsfólkið. Einna algengast er að stjórnendum láist að breyta ferlum og reglum þannig að þær styðji við breytingarnar. Starfsfólk missir fljótt trúna á að áðurnefndur forstjóri vilji í raun leggja áherslu á nýsköpun ef ekki fylgja leiðir fyrir starfsfólk til að koma hugmyndum sínum á framfæri eða ef ferlinu við vöruþróun fylgir jafnmikil skriffinska og síðustu tíu ár.

Ekkert af ofangreindum atriðum virkar þó eitt og sér. Þau spila öll saman og byggja á virku samtali innan fyrirtækja. Það skiptir heldur ekki máli hvaða áherslur fyrirtæki setja. Nýsköpun, hagræðing eða nánd við viðskiptavini eru allt saman góðar áherslur, en skapa allar spennu á einhverjum sviðum, sem auka líkur á að menningin gæði sér á breytingunum þínum ef ekkert er að gert.

Höfundur er forstöðumaður Advice, stjórnendaráðgjafar Advania. Advice er þverfaglegt teymi sem hjálpar stjórnendum fyrirtækja að nýta tækifæri í tækniþróun. Advice nýtir rannsóknir og aðferðir Gartner sem er leiðandi á sviði stjórnunar í upplýsingatækni ásamt hönnunarhugsun og öðrum reyndum aðferðum til að ná framúrskarandi árangri.

Fleiri fréttir

Blogg
04.02.2026
Eftir því sem þróunarteymi vinna meira að gervigreindarlausnum hefur þörfin fyrir öfluga örgjörva og GPU aukist verulega. Til að mæta þessari þörf hafa mörg teymi fært þróunarumhverfi sín yfir í skýjaþjónustur sem sérhæfa sig í HPC og gervigreindarvinnslu. Það er skiljanlegt, skýið býður upp á skjótan aðgang að afli, sveigjanleika og möguleika á að skala upp á stuttum tíma.
Fréttir
04.02.2026
Í dag fer fram ráðstefnudagur hinnar árlegu UTmessu í Hörpu. Á UTmessunni koma saman helstu tæknifyrirtæki landsins til að deila nýjungum, hvetja fólk til að kynnast iðnaðinum og sýna hvað tæknin getur gert fyrir daglegt líf og rekstur fyrirtækja. Þetta er í 16. skipti sem UTmessan er haldin.
Blogg
04.02.2026
Advania CX Forum er árleg ráðstefna þar sem viðskiptavinir Advania frá öllum Norðurlöndunum koma saman til að fræðast, miðla reynslu og kynnast öðrum notendum Genesys kerfisins. Í ár var engin undantekning, ráðstefnan var einstaklega vel heppnuð, faglega sterk og skemmtileg í senn. Hún skapaði vettvang þar sem sérfræðingar, stjórnendur og tækniaðilar gátu rætt nýjustu lausnir í þjónustutækni og fengið dýpri innsýn í þróunina sem mótar framtíðina.
Blogg
02.02.2026
Ný lög nr. 78/2025 um stafrænan viðnámsþrótt fjármálamarkaðar, sem innleiða DORA reglugerð Evrópusambandsins, marka þáttaskil í kröfum til fjármálafyrirtækja og þjónustuaðila þeirra hér á landi. Regluverkið gerir ríkar kröfur um skipulag, skjalfestingu og raunverulegt viðnámsþol upplýsinga og fjarskiptakerfa, með aukinni ábyrgð stjórnenda og skýrari væntingum til þjónustuaðila.
Blogg
29.01.2026
Í dag eru flestir farnir að nota gervigreind, hvort sem það er heima eða í vinnu. Copilot fyrir Microsoft 365 er eitt af þeim gervigreindartólum sem getur gert lífið miklu einfaldara. Hann hjálpar við að skrifa, skipuleggja, finna upplýsingar og klára verkefni hraðar. Flestir byrja á Copilot Chat, en ef þú vilt virkilega fá sem mest út úr Copilot, þá er fulla útgáfan af Copilot málið.
Fréttir
29.01.2026
Advania hefur haldið stöðu sinni sem VMware Cloud Service Provider (VCSP) samstarfsaðili hjá Broadcom, á Íslandi sem og á öllum öðrum markaðsvæðum fyrirtækisins.
Blogg
27.01.2026
Advania er umboðsaðili Airtame á Íslandi  en Airtame hefur í áraraðir verið í fararbroddi þegar kemur að sveigjanlegum, þráðlausum lausnum fyrir fundarherbergi, skólastofur og önnur samvinnurými. Nú hefur fyrirtækið kynnt Airtame 3, sem er stærsta stökk þeirra til þessa.
Blogg
15.01.2026
Gervigreind hefur á undanförnum misserum orðið órjúfanlegur hluti af daglegu vinnuflæði á flestum vinnustöðum. Starfsmenn nýta alls konar tól til að auka afköst, skrifa texta, greina gögn og búa til efni – oft án þess að hugsa sig tvisvar um. Þetta getur verið frábært, því rétt notuð getur gervigreind hjálpað fólki að blómstra í starfi!
Blogg
09.01.2026
Í dag hefur aldrei verið jafn mikilvægt fyrir fyrirtæki að skapa sterkt vörumerki og flott myndrænt efni sem nær til viðskiptavina. Eins og mörg fyrirtæki þekkja nú þegar, er Adobe Creative Cloud Pro besta lausnin í verkið.
Blogg
07.01.2026
Eins og allir sannir nördar vita, er tæknisýningin CES í fullum gangi þessa dagana í Las Vegas. Okkar fólk hjá Dell er vitaskuld á staðnum og hefur nú þegar kynnt tvo verulega spennandi hluti.
Blogg
05.01.2026
Við erum spennt að tilkynna að Advania Ísland hefur fengið staðfestingu frá Broadcom um að við höldum áfram sem viðurkenndur VMware endursöluaðili samkvæmt uppfærðri Broadcom Advantage Partner Program samstarfsáætlun.
Blogg
09.12.2025
Það er gaman að segja frá því að næsta skref í þróun og reiknilíkönum fyrir gervigreind er á leiðinni. Advania kynnti fyrir stuttu NVIDIA DGX Spark vélina sem seldist upp samdægurs, nú er komið að Dell að taka við keflinu.
Viltu vita meira?

Tölum saman

Viltu vita meira? Sendu okkur fyrirspurn.