imageDescription
mín að lesa

ProcessWorld ráðstefnan - webMethods og Aris 9.0

Dagana 15. til 17. október hélt þýska fyrirtækið Software AG (SAG) sína árlegu ProcessWorld ráðstefnu í Orlando á Flórida.

Blogg - DD.11.YYYY

ProcessWorld ráðstefnan - webMethods og Aris 9.0

Dagana 15. til 17. október hélt þýska fyrirtækið Software AG (SAG) sína árlegu ProcessWorld ráðstefnu í Orlando á Flórida.

Dagana 15. til 17. október hélt þýska fyrirtækið Software AG (SAG) sína árlegu ProcessWorld ráðstefnu í Orlando á Flórida. Software AG hefur um árabil verið leiðandi á sviði hugbúnaðarlausna fyrir samþættingu upplýsingakerfa (Application Integration), rafræn viðskipti (B2B) og stjórnun viðskiptaferla (Business Process Management). 

Samstarfsaðili Advania í samþættingu til margra ára

Advania hefur lengi verið samstarfsaðili SAG og mörg íslensk fyrirtæki nota webMethods samþættingarbúnaðinn sem undirstöðu í sinni tæknihögun. Eins og öll framsækin fyrirtæki leita þau stöðugt leiða til að auka hagkvæmni og bæta þjónustu með nýjustu tækni. Sífellt eru gerðar meiri kröfur um sjálfvirkni, hraða og greiðari aðgang að upplýsingum. Af þessu leiðir að framleiðendur grunnbúnaðar eins og SAG þurfa að þróa hann markvisst til að halda í við síbreytilegar þarfir markaðarins. Næsta útgáfa af webMethods, 9.0 kemur út í byrjun árs 2013. Í henni eru fjölmargar áhugaverðar nýjungar og er fjallað um nokkrar þeirra hér á eftir.

Fjórir frumkraftar

Á ráðstefnunni kom fram að ráðgjafarfyrirtækið Gartner telur að fjórir kraftar muni helst hafa áhrif á þróun upplýsingatækni í viðskiptaheiminum á næstu árum. Athyglisvert er að þessir kraftar hafa að mestu komið frá almennings- og afþreyingarmarkaðnum en eru smátt og smátt að breyta því hvernig fólk í atvinnulífinu notar upplýsingatækni. Þessir fjórir frumkraftar voru hluti af yfirskrift ráðstefnunnar enda lítur SAG á þá sem leiðarvísi í sinni stefumörkun.

Mobile
Notkun á snjallsímum og spjaldtölvum verður stöðugt almennari og notendaskil hefðbundinna vinnustöðva þróast í átt að viðmóti slíkra tækja. Ávinningurinn verður meiri hraði og sveigjanleiki,  vinnan verður óháð stað og stund.  Í útgáfu 9.0 af webMethods verður aukinn stuðningur við „mobile“ viðmót og app þróun. 

Social
Í stað hefðbundins glugga- og vefsíðuviðmóts þróast notendaskil viðskiptakerfa í átt að atburða-drifnu viðmóti líkt og við þekkjum t.d. frá Facebook og Twitter. Á ráðstefnunni var kynnt það sem kallað er Twitter for the Business people í næstu útgáfu Aris verkferlakerfisins.  

Big Data
Umfang gagna sem fyrirtæki geta nýtt í viðskiptum er að margfaldast. 90% af aðgengilegum gögnum hafa orðið til á síðustu 2 árum. Til að vinna verðmæti úr þeim þarf öfluga tækni.  Með svokallaðri „in-memory“ tækni sem kemur með Terracotta hugbúnaðinum verður gagnavinnsla hraðvirkari og einfaldara að vinna með stórar gagnaeiningar. Innra minni á netþjónum er nýtt til að auka svartíma og „asynchronous“ gagnastraumar koma í meira mæli í stað venjulegrar „transactional“ gagnavinnslu.

Cloud
Framboð á þjónustum í svokölluðu Skýi (Cloud) eykst hratt.  Það kallar á meiri þarfir á sviði samþættingar og öruggra rafrænna viðskipta. Í webMethods 9.0 CloudStreams einingunni eru tenglar við stærstu þjónustuveitendur í Skýinu (t.d. Google, Amazon, SalesForce o.s.frv.) auk almenns stuðnings við SaaS (Software as a Service).

Software AG áfram leiðandi

Undanfarin ár hefur SAG keypt fjölmörg fyrirtæki til að útvíkka vöruframboð sitt í samræmi við framtíðarsýn fyrirtækisin. Ljóst er að markmið SAG eru mjög metnaðarfull og fyrirtækið ætlar sér áfram að vera í fararbroddi á markaðnum. Reyndar er þrautinni þyngra að samhæfa margar mismunandi hugbúnaðareiningar í einn pakka. Reynsla SAG, opnari staðlar og almennari högun auðveldar þó verkefnið. 

Á sviði samþættingar og viðskiptaferla býður SAG núna tvær aðal hugbúnaðarsvítur: webMethods og Aris. Í hvorri útgáfu fyrir sig er síðan fjöldi eininga til að leysa mismunandi þarfir fyrirtækja í viðskiptaheiminum. Útgáfur 9.0 af bæði webMethods og Aris koma út á fyrri hluta árs 2013.  

Í Gartner töfratengingunum (Magic Qudrant) tveimur hér að neðan er hægt að sjá tvær nýlegar úttektir á stöðu Software AG hvað varðar viðskiptaferla (Business Process Analysis Tool) hins vegar og samþættingu (Appliation Infastructure) hins vegar.

Magic Quadrant for Business Process Analysis Tools
Magic Quadrant for Application Infrastructure

webMethods 9.0


Helstu nýjungar í webMethods 9.0 eru eftirfarandi:
  • CloudStreams auðveldar notkun á þjónustum í Skýinu
  • CommandCentral stýrir rekstrarumhverfi 
  • MobileGateway nýtist fyrir tengingar við síma og spjaldtölvur
  • Pulse fyrir atburðastrauma milli viðskiptaferla og samfélagsmiðla (Social Media)
  • ActiveTransfer fyrir hraðvirkari skráarflutninga
  • Síðast en ekki síst má nefna hinn umtalaða verðlaunagrip Terrocotta sem með „in-memory“ tækni á að stórauka afköst.

Aris 9.0

Aris hugbúnaðurinn er ekki jafn þekktur og webMethods hérlendis. Með honum má setja setja upp módel fyrir viðskiptaferla, greina þá og besta. Að stofni til er Aris þroskaður hugbúnaður sem hefur lengi verið í notkun hjá mörgum erlendum fyrirtækjum, jafnvel meira en áratug. 

Helstu nýjungar í Aris 9.0 eru á sama hátt og í webMethods aukin „Mobile“ virkni, stuðningur við dreifðar þjónustur í Skýinu, Terracotta minnisstjórnunin. Með Aris-Connect geta notendur fylgst með og stjórnað viðskiptaferlum með „Social Media“ tækni.

Fleiri fréttir

Fréttir
26.02.2025
Hildur Einarsdóttir er nýr forstjóri Advania á Íslandi, stærsta upplýsingatæknifyrirtækis landsins. Hún tekur við starfinu af Ægi Má Þórissyni, sem gegnt hefur starfinu í tæp tíu ár en tekur nú við lykilhlutverki í framkvæmdastjórn Advania-samstæðunnar.
Fréttir
23.02.2025
Advania hefur verið samstarfsaðili Héðins á þeirra stafrænu vegferð og meðal annars aðstoðað með netöryggi, sjálfvirknivæðingu ferla, betrumbætur á flæði og fleira.
Fréttir
07.02.2025
Í dag fer fram ráðstefnudagur hinnar árlegu UTmessu í Hörpu. Á UTmessunni koma saman helstu tölvu- og tæknifyrirtæki landsins til að deila nýjungum, hvetja fólk til að kynnast iðnaðinum og sýna hvað tæknin getur gert fyrir daglegt líf. Þetta er í 15. skipti sem UTmessan er haldin.
Blogg
04.02.2025
Í yfir 20 ár hefur Wi-Fi tæknin haldið heiminum tengdum og fylgt sívaxandi þörfum fyrirtækja og notenda. Nú eru þráðlaus netkerfi mikilvægari en nokkru sinni fyrr, og með Wi-Fi 7 er tekin enn stærri skref í átt að hraðari, stöðugri og afkastameiri nettengingum.
Blogg
03.02.2025
DeepSeek-R1 líkanið er nú fáanlegt sem NVIDIA NIM og keyrir á NVIDIA HGX H200 þjónum, sem gerir forriturum kleift að gera tilraunir á öruggan hátt með gervigreind.
businesscentral.advania.is, Blogg
27.01.2025
Á þeim tíu árum sem ég hef verið viðloðandi sölu, þjónustu, þróun og markaðssetningu á viðskiptabókhaldskerfum hef ég átt aragrúa samtala við viðskiptavini um allt á milli himins og jarðar er við kemur þessum málaflokki.
Fréttir
21.01.2025
Liva er ný bókunarlausn frá Advania sem kynnt var til leiks í ferðaþjónustuvikunni 2025. Ágúst Elvarsson rekstarstjóri hjá Jökulsárlóni ehf hefur tekið þátt í þróuninni á Liva frá upphafi. Með því að taka Liva í notkun getur hann skipt út tveimur, ef ekki þremur, mun flóknari og þyngri kerfum.
Fréttir
15.01.2025
Í dag fer fram Mannamót Markaðsstofa landshlutanna í Kórnum í Kópavogi sem er mikilvægur hluti af Ferðaþjónustuvikunni á ári hverju.  Af þessu tilefni taka Advania á Íslandi og Markaðsstofur landshlutanna höndum saman og standa fyrir Advania LIVE beinni útsendingu frá Kórnum þar sem rætt verður við aðila innan ferðaþjónustunnar og fleiri góða gesti.
Fréttir
09.01.2025
NVIDIA kynnti nýlega Project DIGITS. Gervigreindar-ofurtölvu sem veitir rannsakendum, gagnavísindamönnum og nemendum um allan heim aðgang að gervigreindarlausninni NVIDIA Grace Blackwell. Þetta er í fyrsta sinn sem slíkt afl er beislað í boxi sem passar á ósköp venjulegt skrifborð.
Blogg
07.01.2025
Sem netöryggisráðgjafi rekst ég oft á fyrirtæki sem treysta á Linux netþjóna til að keyra mikilvæg kerfi og forrit, en á sama tíma eru þau ekki fullviss um öryggi og stöðugleika þeirra. Hver kannast ekki við Linux þjóna sem hafa verið keyrandi í mörg hundruð daga án þess að vera endurræstur? Það má ekki endurræsa því þetta einfaldlega virkar og þekkingin til að bilanagreina ef eitthvað bilar er ekki til staðar. Þá er gott að spyrja sig, hver er raunveruleg staða öryggis, uppfærslna og viðhalds á þínum Linux netþjónum?
Fréttir
06.01.2025
Advania á Íslandi er nú í hæsta mögulega flokki samstarfsaðila NVIDA. Þetta markar tímamót í samstarfi fyrirtækjanna og opnar á frekari möguleika.
Blogg
19.12.2024
Advania hefur ákveðið að innleiða nýjar breytingar til að styðja verðandi og nýbakaða foreldra á þessu merkilega, frábæra en krefjandi tímabili í kringum barnseignir.  Með þessum breytingum vill fyrirtækið tryggja að starfsfólk fái þann stuðning sem það þarf til að takast á við ný hlutverk og ábyrgðir sem fylgja foreldrahlutverkinu.
Viltu vita meira?

Tölum saman

Viltu vita meira? Sendu okkur fyrirspurn.