imageDescription
mín að lesa

ProcessWorld ráðstefnan - webMethods og Aris 9.0

Dagana 15. til 17. október hélt þýska fyrirtækið Software AG (SAG) sína árlegu ProcessWorld ráðstefnu í Orlando á Flórida.

Blogg - DD.11.YYYY

ProcessWorld ráðstefnan - webMethods og Aris 9.0

Dagana 15. til 17. október hélt þýska fyrirtækið Software AG (SAG) sína árlegu ProcessWorld ráðstefnu í Orlando á Flórida.

Dagana 15. til 17. október hélt þýska fyrirtækið Software AG (SAG) sína árlegu ProcessWorld ráðstefnu í Orlando á Flórida. Software AG hefur um árabil verið leiðandi á sviði hugbúnaðarlausna fyrir samþættingu upplýsingakerfa (Application Integration), rafræn viðskipti (B2B) og stjórnun viðskiptaferla (Business Process Management). 

Samstarfsaðili Advania í samþættingu til margra ára

Advania hefur lengi verið samstarfsaðili SAG og mörg íslensk fyrirtæki nota webMethods samþættingarbúnaðinn sem undirstöðu í sinni tæknihögun. Eins og öll framsækin fyrirtæki leita þau stöðugt leiða til að auka hagkvæmni og bæta þjónustu með nýjustu tækni. Sífellt eru gerðar meiri kröfur um sjálfvirkni, hraða og greiðari aðgang að upplýsingum. Af þessu leiðir að framleiðendur grunnbúnaðar eins og SAG þurfa að þróa hann markvisst til að halda í við síbreytilegar þarfir markaðarins. Næsta útgáfa af webMethods, 9.0 kemur út í byrjun árs 2013. Í henni eru fjölmargar áhugaverðar nýjungar og er fjallað um nokkrar þeirra hér á eftir.

Fjórir frumkraftar

Á ráðstefnunni kom fram að ráðgjafarfyrirtækið Gartner telur að fjórir kraftar muni helst hafa áhrif á þróun upplýsingatækni í viðskiptaheiminum á næstu árum. Athyglisvert er að þessir kraftar hafa að mestu komið frá almennings- og afþreyingarmarkaðnum en eru smátt og smátt að breyta því hvernig fólk í atvinnulífinu notar upplýsingatækni. Þessir fjórir frumkraftar voru hluti af yfirskrift ráðstefnunnar enda lítur SAG á þá sem leiðarvísi í sinni stefumörkun.

Mobile
Notkun á snjallsímum og spjaldtölvum verður stöðugt almennari og notendaskil hefðbundinna vinnustöðva þróast í átt að viðmóti slíkra tækja. Ávinningurinn verður meiri hraði og sveigjanleiki,  vinnan verður óháð stað og stund.  Í útgáfu 9.0 af webMethods verður aukinn stuðningur við „mobile“ viðmót og app þróun. 

Social
Í stað hefðbundins glugga- og vefsíðuviðmóts þróast notendaskil viðskiptakerfa í átt að atburða-drifnu viðmóti líkt og við þekkjum t.d. frá Facebook og Twitter. Á ráðstefnunni var kynnt það sem kallað er Twitter for the Business people í næstu útgáfu Aris verkferlakerfisins.  

Big Data
Umfang gagna sem fyrirtæki geta nýtt í viðskiptum er að margfaldast. 90% af aðgengilegum gögnum hafa orðið til á síðustu 2 árum. Til að vinna verðmæti úr þeim þarf öfluga tækni.  Með svokallaðri „in-memory“ tækni sem kemur með Terracotta hugbúnaðinum verður gagnavinnsla hraðvirkari og einfaldara að vinna með stórar gagnaeiningar. Innra minni á netþjónum er nýtt til að auka svartíma og „asynchronous“ gagnastraumar koma í meira mæli í stað venjulegrar „transactional“ gagnavinnslu.

Cloud
Framboð á þjónustum í svokölluðu Skýi (Cloud) eykst hratt.  Það kallar á meiri þarfir á sviði samþættingar og öruggra rafrænna viðskipta. Í webMethods 9.0 CloudStreams einingunni eru tenglar við stærstu þjónustuveitendur í Skýinu (t.d. Google, Amazon, SalesForce o.s.frv.) auk almenns stuðnings við SaaS (Software as a Service).

Software AG áfram leiðandi

Undanfarin ár hefur SAG keypt fjölmörg fyrirtæki til að útvíkka vöruframboð sitt í samræmi við framtíðarsýn fyrirtækisin. Ljóst er að markmið SAG eru mjög metnaðarfull og fyrirtækið ætlar sér áfram að vera í fararbroddi á markaðnum. Reyndar er þrautinni þyngra að samhæfa margar mismunandi hugbúnaðareiningar í einn pakka. Reynsla SAG, opnari staðlar og almennari högun auðveldar þó verkefnið. 

Á sviði samþættingar og viðskiptaferla býður SAG núna tvær aðal hugbúnaðarsvítur: webMethods og Aris. Í hvorri útgáfu fyrir sig er síðan fjöldi eininga til að leysa mismunandi þarfir fyrirtækja í viðskiptaheiminum. Útgáfur 9.0 af bæði webMethods og Aris koma út á fyrri hluta árs 2013.  

Í Gartner töfratengingunum (Magic Qudrant) tveimur hér að neðan er hægt að sjá tvær nýlegar úttektir á stöðu Software AG hvað varðar viðskiptaferla (Business Process Analysis Tool) hins vegar og samþættingu (Appliation Infastructure) hins vegar.

Magic Quadrant for Business Process Analysis Tools
Magic Quadrant for Application Infrastructure

webMethods 9.0


Helstu nýjungar í webMethods 9.0 eru eftirfarandi:
  • CloudStreams auðveldar notkun á þjónustum í Skýinu
  • CommandCentral stýrir rekstrarumhverfi 
  • MobileGateway nýtist fyrir tengingar við síma og spjaldtölvur
  • Pulse fyrir atburðastrauma milli viðskiptaferla og samfélagsmiðla (Social Media)
  • ActiveTransfer fyrir hraðvirkari skráarflutninga
  • Síðast en ekki síst má nefna hinn umtalaða verðlaunagrip Terrocotta sem með „in-memory“ tækni á að stórauka afköst.

Aris 9.0

Aris hugbúnaðurinn er ekki jafn þekktur og webMethods hérlendis. Með honum má setja setja upp módel fyrir viðskiptaferla, greina þá og besta. Að stofni til er Aris þroskaður hugbúnaður sem hefur lengi verið í notkun hjá mörgum erlendum fyrirtækjum, jafnvel meira en áratug. 

Helstu nýjungar í Aris 9.0 eru á sama hátt og í webMethods aukin „Mobile“ virkni, stuðningur við dreifðar þjónustur í Skýinu, Terracotta minnisstjórnunin. Með Aris-Connect geta notendur fylgst með og stjórnað viðskiptaferlum með „Social Media“ tækni.

Fleiri fréttir

Blogg
25.01.2019
Á næstu dögum ætlum við að birta nokkrar greinar í tilefni þess að ný markaðssetningareining bættist við Dynamics 365 Customer Engagement nýlega.
Blogg
21.12.2018
Á sólríkum degi í mars pakkaði starfsmaður Advania inn fartölvu í síðasta skiptið fyrir viðskiptavin verslunar Advania í Guðrúnartúni. Ákveðið hafði verið að endurnýja verslunarrýmið og flytja verslunina alfarið í stafræna heima.
Blogg
21.11.2018
Líkt og með fyrri útgáfur stefnir Microsoft áfram þann veg að skýjavæða Dynamics NAV enn frekar með aukinni samþættingu við aðrar skýjaþjónustur í vöruframboði sínu. Ávinningur af því að nýta aðrar Microsoft þjónustur með NAV hefur því stórlega aukist.
Blogg
13.11.2018
Hjá Advania höfum við mikinn metnað til þess að hlúa ríkulega að starfsfólkinu okkar. Við viljum raunar vera besti vinnustaður landsins og því er okkur mikilvægt að starfsfólkið okkar búi við góða vinnuaðstöðu, möguleika til þróunar, endurgjöf og hvatningu sem hjálpar þeim að vaxa í starfi.
Blogg
02.11.2018
Raad Bestouh ferðast á rafmagnshjóli til og frá vinnu og kemur við í æfingasal Advania eftir hjólatúrinn á morgnanna.
Blogg
29.10.2018
Fyrir fjórum árum ákvað Ragnar Páll Árnason að prófa að hjóla í vinnuna til að styrkja sig eftir hnémeiðsli. Hann nýtti samgöngustyrk frá Advania til að kaupa sér hjól og síðan var ekki aftur snúið.
Blogg, Nýjasta nýtt
27.09.2018
Íslensk fyrirtæki hafa ekki farið varhluta af þeirri þróun að viðskiptavinir gera stöðugt meiri kröfur til þjónustuupplifunar. Sé upplifuninni ábótavant eru viðskiptavinir oft fljótir að leita til samkeppnisaðila.
Microsoft, Blogg
29.08.2018
Ert þú að nýta alla möguleikana sem felast í O365 E3? Í E3 má finna ýmiskonar forrit sem geta stóraukið skilvirkni og auðveldað störf á vinnustaðnum.
Blogg
21.08.2018
Við hjá Advania erum stolt af dagskrá Haustráðstefnunnar í ár og hlökkum til að taka á móti fólki í Hörpu 21.september. Við höfum lagt okkur fram við að setja saman spennandi prógram sem tekur á áhugaverðum áskorunum í stafrænum heimi. Fyrirlesararnir koma úr ólíkum áttum tæknigeirans. Sumir eltast við hættulegustu ógnir internetsins. Aðrir nýta gervigreind til að smíða útlimi fyrir fólk eða ofurtölvur í brautryðjandi læknisfræðirannsóknum. Við vonumst til að gestir okkar verði innblásnir og ögn klókari eftir daginn.
Blogg
12.06.2018
Í umhverfi þar sem fólk reiðir sig í síauknum mæli á stafrænar lausnir við hversdagslegustu athafnir er eðlilegt að líta til stafrænna lausna í mannauðsmálum.
Blogg
24.05.2018
Á næstu fjórum árum verður jafnlaunavottun innleidd í skrefum á íslenskum vinnumarkaði. Hvað er jafnlaunavottun? Hvað þurfa rekstraraðilar fyrirtækja að gera til að mæta kröfunni um að standast jafnlaunavottun? Og hvenær taka lög um jafnlaunavottun raunverulega gildi? Hér er farið yfir helstu atriði sem varða jafnlaunavottun eins og málin horfa við fyrirtækjunum sem eiga að standa að innleiðingu.
Blogg
16.05.2018
Microsoft býður upp á leiðir til að vernda persónuupplýsingar og aðstoða við GDPR.
Viltu vita meira?

Tölum saman

Viltu vita meira? Sendu okkur fyrirspurn.