imageDescription
mín að lesa

Advania í hóp stærstu upplýsingafyrirtækja Bretlands

Advania hefur náð samkomulagi um kaup á 100% hlutafjár í breska félaginu CCS Media. Gert er ráð fyrir að viðskiptunum ljúki á fjórða ársfjórðungi ársins 2024, með fyrirvara um samþykki eftirlitsaðila.

Fréttir - DD.10.YYYY

Advania í hóp stærstu upplýsingafyrirtækja Bretlands

Advania hefur náð samkomulagi um kaup á 100% hlutafjár í breska félaginu CCS Media. Gert er ráð fyrir að viðskiptunum ljúki á fjórða ársfjórðungi ársins 2024, með fyrirvara um samþykki eftirlitsaðila.

CCS Media er stórt og öflugt félag í vélbúnaðarsölu og þjónustu. Með eignarhaldi á CCS Media og nýlegum kaupum á Servium í Bretlandi mun Advania stækka núverandi starfsemi sína og styrkja enn frekar tækifæri sitt til að veita viðskiptavinum um allt Bretland alhliða upplýsingatækniþjónustu.

Lykiláfangi

CCS Media var stofnað árið 1983 og er ört vaxandi fyrirtæki sem býður upp á upplýsingatæknivörur, lausnir og þjónustu til viðskiptavina um allt Bretland. Félagið  er með veltu upp á 50 milljarða íslenskra króna og eftir samrunann munu  alls um 1500 manns starfa hjá Advania í Bretlandi.

Kaupin eru lykiláfangi í stefnu Advania um að auka enn frekar hlutdeild sína á breskum markaði. Sjóður í eigu Goldman Sachs keypti meirihluta í Advania árið 2021 og fyrirtækið hefur vaxið á miklum hraða síðan.  Advania er nú eitt stærsta óskráða félagið í upplýsingatækni  í Norður-Evrópu. Eftir viðskiptin mun heildarvelta Advania verða um 250 milljarðar og verður starfsmannafjöldinn í Norður-Evrópu yfir 5.000.

„Þessi kaup eru mikilvægt skref á vegferð okkar í því að verða leiðandi félag í upplýsingatækni í Norður-Evrópu. Við erum því viss um að þessi fjárfesting muni flýta enn frekar fyrir vexti okkar og styrkja stöðu okkar á breska markaðnum. Stefna okkar og áherslur hér á landi er óbreyttar, en staða okkar gagnvart lykilbirgjum styrkist til muna við þessi kaup sem skilar sér í betri verðum og breiðara vöruframboði inn á íslenska markaðinn,“ segir Ægir Þór Másson, forstjóri Advania á Íslandi.

„Leiðtogateymi CCS Media er gríðarlega spennt yfir því að sameina krafta sína með Advania og auka þannig enn dýpri sérfræðiþekkingu og þjónustu til tryggra viðskiptavina okkar um allt Bretland. CCS Media var nú þegar á þeirri vegferð að þróa heildstæðara lausnaframboð fyrir viðskiptavini okkar og munu þessi viðskipti flýta gríðarlega fyrir þeirri þróun. Þetta mun einnig gagnast starfsfólki okkar og bjóða upp á víðtækari tækifæri til vaxtar og þróunar á spennandi tímum í greininni. Eins og hjá Advania er fólk kjarninn í viðskiptum okkar. Áþekk menning fyrirtækjanna og viðskiptavinamiðuð nálgun var lykildrifkraftur fyrir þennan samning. Enn víðtækari geta okkar eftir samrunann, þá sérstaklega vegna framúrskarandi samstarfs Advania í Bretlandi við Microsoft, mun efla okkur í að mæta fjölbreyttari þörfum viðskiptavina, allt frá tækjum og innviðum, til stefnumótunar, skýjabreytinga, gervigreindar og úthýsingar upplýsingakerfa,“ segir Terry Betts, forstjóri  CCS Media.

„Við og samfjárfestingaraðilar okkar bjóðum CCS Media velkomin í ört vaxandi Advania fjölskyldu sem mun styrkja enn frekar rekstur og framboð félaganna. Kaupin á CCS Media munu skapa aðgreinandi og mjög spennandi heildarlausnir fyrir breska markaðinn,“ segir Michael Bruun, Global Co-Head of Private Equity hjá Goldman Sachs Alternatives.

„Ég er mjög spennt yfir því að fá CCS Media til liðs við Advania. CCS hefur náð virkilega góðum árangri þegar kemur að vexti, viðskiptasamböndum og afhendingu háþróaðra upplýsingatæknilausna á breskum markaði,“ segir Hege Støre, forstjóri Advania samstæðunnar.

Fleiri fréttir

Blogg
24.03.2015
Planet Labs hannar, smíðar og rekur stóran flota af örsmáum gervihnöttum sem mynda yfirborð jarðarinnar oftar en áður en hefur þekkst.
Blogg
17.03.2015
Þann 11. mars síðastliðinn opnaði Fræðslusetrið Starfsmennt nýjan og glæsilegan náms- og þekkingarvef.
Blogg
04.03.2015
Á CES 2015 ráðstefnunni sem haldinn var um daginn átti Dell sterka innkomu með nýju XPS 13 Ultrabook fartölvunni og hefur hún hlotið mikið lof gagnrýnenda.
Blogg
17.02.2015
Það er krefjandi að vera foreldri á tækniöld og margt sem þarf að huga að.
Blogg
11.02.2015
Við hjá Icelandic Group opnuðum á dögunum nýjan vef.
Blogg
04.02.2015
Það stefnir allt í að árið 2015 verði spennandi fyrir okkur í sýndarvélabransanum.
Blogg
28.01.2015
Það er óhætt að segja að NAV bókhaldskerfið hafi tekið stórstígum framförum undanfarin misseri. Nú er komin ný útgáfa af kerfinu, NAV 2015.
Blogg
20.01.2015
Samskiptatækni hefur þróast mikið undanfarin ár og samhliða því þurfa fyrirtæki að huga vel að því hvernig mæta má kröfuhörðum viðskiptavinum.
Blogg
14.01.2015
Í nóvember síðastliðnum fékk undirrituð ásamt tólf öðrum starfsmönnum Advania svokallaða ITIL vottun í þjónustu og rekstri upplýsingatæknilausna.
Blogg
06.01.2015
Greiningafyrirtækið Gartner hefur nýlega gefið út yfirlit yfir þá þætti sem helst munu ráða þróun upplýsingatækni á því ári sem nú er að hefjast.
Blogg
17.12.2014
Síðasta sumar opnuðum við hjá Advania tvö ný gagnaver á Reykjanesi sem eru sérstaklega hugsuð fyrir það sem á ensku kallast High Performance Computing (HPC).
Blogg
03.12.2014
Ég fékk Dell Chromebook 11 tölvu með WiFi tengingu í hendur í október til að prófa.
Viltu vita meira?

Tölum saman

Viltu vita meira? Sendu okkur fyrirspurn.