imageDescription
mín að lesa

Advania og Jökulá í samstarf

Advania og hönnunarstofan Jökulá hefja samstarf um hönnun og smíði á stafrænum lausnum.

Fréttir, Nýjasta nýtt - 29. mars 2022

Advania og Jökulá í samstarf

Advania og hönnunarstofan Jökulá hefja samstarf um hönnun og smíði á stafrænum lausnum.

Markmiðið með samstarfinu er að bjóða framúrskarandi stafrænar lausnir fyrir viðskiptavini. Jökulá er hönnunarstofa sem býður þjónustu og ráðgjöf í notendaupplifun, viðmótshönnun, notendarannsóknum og grafískri hönnun. Hjá Jökulá starfa 12 sérfræðingar sem hafa unnið fyrir mörg af stærstu fyrirtækjum jum landsins. Jökulá fékk á dögunum SVEF verðlaun fyrir bestu hönnun og viðmót ársins 2021.

Advania er alhliða þjónustufyrirtæki í upplýsingatækni sem býður viðskiptavinum sínum ráðgjöf, þjónustu og fjölbreyttar stafrænar lausnir. Veflausnir Advania sérhæfa sig í smíði og þróun veflausna, appa og fjölbreyttra stafrænna lausna með áherslu á sjálfvirknivæðingu, einföldun ferla, notendaupplifun og upplýsingaflæði milli kerfa.

Sigtryggur Arnþórsson, framkvæmdastjóri Jökulá segir mikil tækifæri fólgin í samstarfinu „Jökulá hefur um árabil lagt áherslu á að skapa góða notendaupplifun sem er orðin einn stærsti ákvörðunarvaldur notenda við val um kaup á vöru og þjónustu. Samstarfið hefur þegar skilað sér í öflugum og notendavænni lausnum. Við erum spennt fyrir framhaldinu.“

„Kröfur um góða notendaupplifun og notendaviðmót verða sífellt meiri. Með samstarfinu er Advania betur í stakk búið til að aðstoða viðskiptavini við að bjóða framúrskarandi notendaupplifun og viðmót í þeim lausunum sem okkar sérfræðingar smíða og þróa,“ segir Margrét Gunnlaugsdóttir framkvæmdastjóri sérlausna Advania.

„Við erum í skýjunum yfir samstarfinu við Jökulá enda hefur það alltaf verið stefna okkar að bjóða viðskiptavinum okkar framúrskarandi lausnir og þjónustu, bæði í hönnun og hugbúnaðargerð. Við erum ánægð með að vera komin í samstarf við þá bestu á þessu sviði og trúum því að viðskiptavinir munu njóta góðs af,” segir Valeria Rivina forstöðukona veflausna Advania.


Mynd: Björgvin Pétur, hönnunarstjóri Jökulá, Valeria Rivina, forstöðukona veflausna Advania, Sigtryggur Arnþórsson, framkvæmdastjóri Jökulá og Margrét Gunnlaugsdóttir framkvæmdastjóri sérlausna Advania.

Fleiri fréttir

businesscentral.advania.is, Blogg
18.02.2021
Flestir Íslendingar þekkja til Heathrow flugvallar í Bretlandi. Varla annað hægt enda einn af stærri tengiflugvöllum í Evrópu ásamt því að vera einn af nokkrum alþjóðaflugvöllum nálægt London. Borg sem fótbolta- og tískuþyrstir Íslendingar sækja heim margoft á ári. Já, svona þegar ekki geisar heimsfaraldur.
Blogg
16.02.2021
Tölvukerfi eru praktísk ein og sér en með samþættingu er hægt að ná fram mikilli hagræðingu í vinnu. Með því að láta tölvukerfin tala saman má sjálfvirknivæða vinnu sem felur í sér endurtekningar og nota mannauðinn í verðmætari verkefni.
Fréttir
14.02.2021
Goldman Sachs hefur skrifað undir bindandi kauptilboð í meirihluta hlutafjár í upplýsingatæknifyrirtækinu Advania
Fréttir
12.02.2021
Öskudagur nálgast og um þetta leyti væru margir búnir að velja sér glæsilegan búning til gera sér glaðan dag í vinnunni. En þegar stór hluti starfsmanna er heima að vinna í gegnum Teams, á þá að sleppa búningafjörinu?
Fréttir
12.02.2021
Lykilviðskiptavinir rekstrarlausna Advania komu saman á árlegum fundi á dögunum þar sem ræddar voru helstu árskoranir í upplýsingatækni árið 2021. Viðskiptavinir deildu reynslu sinni af liðnu ári og lærdómnum af tækniframförum.
businesscentral.advania.is, Blogg
08.02.2021
Ef þú hefur eitthvað heyrt af skýjavegferð Microsoft hefur þú örugglega heyrt minnst á AppSource. En hvað er AppSource og hverju breytir það fyrir þig og þinn vinnustað ?
Fréttir
03.02.2021
InsightSoftware / Jet Global hefur valið Advania samstarfsaðila ársins 2020 á Norðurlöndunum. Árangurinn byggir á faglegum áherslum við að bjóða notendum Microsoft Dynamics skýrslu- og viðskiptagreiningartólin Jet Reports og Jet Analytics, samkvæmt tilkynningu frá InsightSoftware.
Fréttir
28.01.2021
Microsoft verðlaunar Advania fyrir framúrskarandi árangur og samstarf á árinu sem einkenndist af heimsfaraldri og fjarvinnu.
businesscentral.advania.is, Blogg
12.01.2021
Mikilvægasti kosturinn við Business Central í skýinu er að vera alltaf á nýjustu útgáfu og uppfærast sjálfkrafa.
Fréttir
18.12.2020
Thelma Sjöfn Hannesdóttir, rafvirki og þriggja barna móðir frá Akranesi, var valin úr fjölmennum hópi umsækjenda til að hljóta styrk til náms í kerfisstjórnun. Thelma missti vinnuna í apríl og var einmitt að leita leiða til að afla sér nýrrar þekkingar og atvinnumöguleika.
Fréttir
27.11.2020
Ægir Már Þórisson forstjóri Advania, skrifaði í dag undir loftslagsyfirlýsingu Festu og Reykjavíkurborgar. Með því skuldbindur fyrirtækið sig til að draga úr losun gróðurhúsalofttegunda og beita sér í loftslagsbaráttunni.
Blogg
26.11.2020
Advania tók þátt í alheimsátaki um aukna öryggisvitund fyrirtækja og notenda í stafrænum heimi í október. Sex veffundir um hin ýmsu málefni tengd notendum, öryggisvörnum og veikleika í kerfum voru haldnir. Samantekt um umfjöllunarefnin má finna hér að neðan.
Viltu vita meira?

Tölum saman

Viltu vita meira? Sendu okkur fyrirspurn.