imageDescription
mín að lesa

Advania og Keystrike í netöryggissamstarf

Advania og netöryggisfyrirtækið Keystrike hafa skrifað undir samstarfssamning sem gerir Advania kleift að bjóða viðskiptavinum sínum Keystrike sem hluta af öflugu netöryggisframboði félagsins.

Jóhanna Vigdís Guðmundsdóttir yfirmaður sölu, markaðsmála og viðskiptaþróunar hjá Keystrike í Evrópu, Guðmundur Arnar Sigmundsson forstöðumaður netöryggis og gagnaþróunar hjá Advania. og Valdimar Óskarsson framkvæmdastjóri og meðstofnandi Keystrike.

Fréttir - 18. maí 2026

Advania og Keystrike í netöryggissamstarf

Advania og netöryggisfyrirtækið Keystrike hafa skrifað undir samstarfssamning sem gerir Advania kleift að bjóða viðskiptavinum sínum Keystrike sem hluta af öflugu netöryggisframboði félagsins.

Með samstarfinu fá viðskiptavinir Advania aðgang að framsækinni netöryggislausn sem fellur hnökralaust að og styður við aðrar öryggislausnir fyrirtækja og stofnana.

„Keystrike er öflug vara og fellur vel inn í það vöruframboð sem Advania vill bjóða viðskiptavinum til að hámarka netöryggisþol þeirra. Lausnin er til þess fallin að auka vernd gegn innbrotum og gagnaþjófnaði og er sérstaklega sterk fyrir viðskiptavini sem reka sitt eigið þjónustuumhverfi í gagnaverum,“ segir Guðmundur Arnar Sigmundsson, forstöðumaður netöryggis- og gagnaþróunar hjá Advania.

„Við erum afar ánægð með að vera komin í samstarf við Advania og að geta boðið viðskiptavinum félagsins aðgang að Keystrike sem hluta af öflugri netöryggisþjónustu þeirra. Advania hefur djúpa þekkingu á rekstrarumhverfi íslenskra fyrirtækja og stofnana, og saman getum við hjálpað viðskiptavinum að styrkja varnirnar þar sem áhættan er mest: inni í virkum aðgangslotum eftir innskráningu,“ segir Valdimar Óskarsson, framkvæmdastjóri Keystrike.

Stöðug auðkenning í rauntíma

Lausn Keystrike byggir á þeirri staðreynd að yfirtaka hakkara á tölvum starfsfólks og fyrirtækja er alltaf gerð í gegnum fjartengingar og að það eina sem hakkarar geta ekki gert er að gefa skipun á lyklaborð og mús í raunheimum. Hugbúnaður Keystrike tryggir í rauntíma stöðuga auðkenningu skipana í gegnum fjartengingar, þannig að tengingin sjálf er örugg eftir að hefðbundin tví- eða margþátta auðkenning á sér stað. Lausnin byggir á dulritaðri staðfestingu þess að skipanir í virkum aðgangslotum komi frá raunverulegum aðila við lyklaborð og mús, en ekki frá árásaraðila sem hefur komist yfir notendaaðgang, lykilorð eða aðrar auðkenningar.

Lausn Keystrike byggir á þremur þáttum. Í fyrsta lagi á rauntímayfirliti allra fjartenginga, sem gefur heildstætt yfirlit yfir hvaða netþjónar eru óvarðir og hvaðan óvarðar tengingar eru að koma. Í öðru lagi á því að virkni lausnarinnar staðfestir innslátt á auðkennda vinnustöð og stöðvar umsvifalaust RDP og SSH tengingar eru ekki auðkenndar. Þriðji þáttur lausnarinnar styður við hlítingu reglugerða á borð við NIS2 og DORA, með því að veita stöðuga yfirsýn, rauntímagögn og sannvottaðar upplýsingar um að allar fjartengingar fyrirtækja eru varðar.

Samkvæmt nýrri skýrslu frá Palo Alto Networks eru 90% netárása tengdar yfirtöku tví- eða fjölþátta auðkenningar (MFA) í gegnum fjartengingu eins og RDP eða SSH. Samstarf Advania og Keystrike hefur því burði til að hafa afgerandi áhrif á öryggisþol fyrirtækja og stofnana.

Fleiri fréttir

Blogg
20.02.2023
 Það er talið að stafrænar lausnir geti dregið úr þörf á ferðalögum vegna viðskipta um 50%.
Blogg
16.02.2023
Á dögunum hélt Advania í fyrsta skiptið Nordic CX Forum í Stokkhólmi í Svíþjóð. Tilgangur viðburðarins var að deila sérfræðiþekkingu og skapa tengslanet meðal viðskiptavina okkar sem nota Genesys Cloud á Norðurlöndunum.
businesscentral.advania.is, Blogg
23.01.2023
Á síðustu misserum hefur þróunin orðið sú að fyrirtæki innleiða í auknum mæli skýjaútgáfuna af Business Central bókhaldskerfinu. Advania hefur aðstoðað yfir 200 fyrirtæki við þá innleiðingu og fer þeim stöðugt fjölgandi. Ýmsar skýringar eru á þessari þróun.
Blogg
13.01.2023
Hefur þú velt fyrir þér hvernig stafrænu lausnirnar sem þú notar daglega virka á bakvið tjöldin?
Fréttir
23.11.2022
Sigríður Sía Þórðardóttir hefur verið ráðin framkvæmdastjóri viðskiptalausna Advania. Hún fer fyrir öflugu teymi sérfræðinga sem aðstoða fyrirtæki á sinni skýjavegferð.
Fréttir
16.11.2022
Airtame og Advania gerðu á dögunum með sér samstarfsamning um að Advania verði sölu- og þjónustu aðili Airtame á Íslandi.
Veflausnir, Blogg
09.11.2022
Það urðu miklar sviptingar á sviði vefverslana hér á landi í kjölfar heimsfaraldursins og aukinnar samkeppni erlendis frá. Álag á vefverslanir margfaldaðist og fjöldi pantana jókst mikið.
Fréttir
07.11.2022
Advania á Íslandi hlaut á dögunum sérstakar viðurkenningar frá Dell Technologies sem samstarfsaðili ársins 2022 fyrir framúrskarandi árangur í sölu, ráðgjöf og þjónustu.
Fréttir
02.11.2022
Advania kaupir upplýsingafyrirtækið CLOUDIO A/S í Danmörku og breikkar vöruúrvalið
Blogg
01.11.2022
Mannauðslausnin Samtal mætir þörfum starfsfólks og stjórnenda fyrir regluleg samtöl sín á milli, út frá hugmyndafræði um mannauðsstjórnun eftir þörfum eða „Agile HR“
Blogg
21.10.2022
Fyrir stuttu síðan kom út grein frá Gartner sem fjallar um níu „trend“ eftir Covid-19. Faraldurinn hefur haft ýmsar breytingar í för með sér fyrir fyrirtæki og eru mannauðsdeildir víðsvegar um heim að meta skammtíma- og langtímaáhrif í gegnum ýmsa þætti.
Fréttir
12.10.2022
Hege Støre er nýr forstjóri Advania-samsteypunnar sem nú telur yfir 4000 starfsmenn á Norðurlöndunum og í Bretlandi.
Viltu vita meira?

Tölum saman

Viltu vita meira? Sendu okkur fyrirspurn.