imageDescription
mín að lesa

Morgunverðarfundur Advania og Genesys í höfuðstöðvum Arion banka

Þriðjudaginn 14. október héldu Advania og Genesys vel heppnaðan morgunverðarfund í höfuðstöðvum Arion banka undir yfirskriftinni „Fór í banka án þess að banka“.

Blogg - 14. október 2025

Morgunverðarfundur Advania og Genesys í höfuðstöðvum Arion banka

Sigurgeir Þorbjarnarson
Vörustjóri funda- og samskiptalausna

Þriðjudaginn 14. október héldu Advania og Genesys vel heppnaðan morgunverðarfund í höfuðstöðvum Arion banka undir yfirskriftinni „Fór í banka án þess að banka“.

Titillinn endurspeglar þá þróun sem á sér stað í bankaþjónustu þar sem sífellt færri þurfa að mæta í útibú – flest er hægt að leysa í gegnum öpp, vefsíður og samskiptaver. Fundurinn vakti mikla athygli og mætingin var frábær – um 100 skráðir þátttakendur komu saman til að fræðast, tengjast og deila reynslu. Genesys samfélagið á Íslandi heldur áfram að stækka og það er ljóst að sífellt fleiri fyrirtæki sjá mikilvægi þess að vera með á nótunum þegar kemur að nýjustu lausnum í þjónustu og samskiptum. Með ört vaxandi möguleikum gervigreindar og sjálfvirkni í þjónustukerfum er lykilatriði að fylgjast með þróuninni og nýta tæknina til að bæta upplifun viðskiptavina og starfsfólks.

Roadmap og reynslusögur

Joakim Skalberg frá Genesys fór yfir helstu strauma í Customer Experience (CX) og hvernig Agentic AI er að umbreyta þjónustuumhverfinu. Hann kynnti einnig nýjustu upplýsingar úr vörukorti (Roadmap) Genesys og sýndi lifandi kynningu á nýju viðmóti kerfisins. Þar kom skýrt fram hvernig kerfið getur aðstoðað þjónustufulltrúa við að leysa mál hratt og örugglega, auk þess sem það einfaldar flokkun og eftirfylgni á fyrirspurnum viðskiptavina.

Fulltrúar frá Arion banka og Verði – Anton Bjarnason, Guðrún Elín Ingvarsdóttir, Hólmgeir Hólmgeirsson og Adele Alexandra Bernabe Pálsson – deildu sinni vegferð með Genesys kerfið. Sérstaklega var fjallað um hvernig innleiðing á Workforce Management hefur breytt verklagi til hins betra. Með betri yfirsýn, einfaldari mönnun og aukinni starfsánægju hefur þjónustan tekið stakkaskiptum.

Arion banki kynnti einnig spennandi tilraunaverkefni þar sem unnið er að því að greina og flokka símtöl sjálfkrafa með aðstoð gervigreindar – verkefni sem lofar góðu fyrir framtíðina og getur haft veruleg áhrif á skilvirkni og þjónustugæði.

Gestir fengu léttar veitingar og voru leystir út með árlegum Genesys bangsa – í ár klæddur í hvíta peysu – sem vakti mikla lukku. Við þökkum Arion banka kærlega fyrir að taka vel á móti okkur!

Eigum við að spjalla saman?

Genesys kerfið er í sífelldri þróun og með gervigreindina að vopni er framtíðin björt. Greiningaraðilar á borð við Gartner hafa ítrekað nefnt Genesys sem leiðandi í Contact Center as a Service (CCaaS) og gervigreindarlausnum fyrir þjónustumiðstöðvar. Þeir sem vilja vera í fremstu röð í þjónustuupplifun ættu að fylgjast vel með þessari þróun.

Við erum alltaf til í samtal ef þú vilt vita meira um Genesys eða aðrar samskiptalausnir.

Fleiri fréttir

Fréttir
29.09.2026
Mannauðslausnir Advania hafa bætt Teamtailor við vöruúrval sitt, nútímalegu ráðningarkerfi sem er nýtt á íslenskum markaði. Advania er viðurkenndur samstarfsaðili Teamtailor og lausnin verður kynnt gestum á Mannauðsdeginum í Hörpu, föstudaginn 2. október.
Blogg
29.09.2026
Stjórnendur margra fyrirtækja sjá tækifæri í Copilot og gervigreind, en færri hafa skýra og skilgreinda leið til að umbreyta notkuninni í mælanlegt virði. Þegar grunnurinn er traustur, fólkið tilbúið og erindrekarnir byggðir á réttum forsendum verður gervigreind hluti af rekstrinum en ekki aðeins spennandi hugmynd.
Fréttir
16.09.2026
Þegar aðaldagskrá Haustráðstefnu Advania lauk í Silfurbergi Hörpu fimmtudaginn 10. september var dagurinn ekki alveg búinn. Hildur Einarsdóttir forstjóri Advania á Íslandi bauð gestum yfir á sýningarsvæði ráðstefnunnar í Norðurljósum í mat og drykk.
Fréttir
16.09.2026
Við hófum Haustráðstefnuvikuna á skemmtilegum og fræðandi viðburði fyrir ungt fólk í tækni í samstarfi við Dell Technologies og NVIDIA.
Fréttir, F&O
16.09.2026
Nýverið tók Advania á móti samstarfsfólki frá Ferranti vegna innleiðingar á Microsoft Dynamics 365 Finance & Operations og MECOMS 365 hjá Orkusölunni. Heimsóknin var mikilvægur þáttur í verkefninu og gaf tækifæri til að vinna saman á sama stað, efla tengslin og undirbúa lokasprett verkefnisins.
Blogg
14.09.2026
Það er eitthvað að gerast í kennslustofum landsins, og það gerist á snertihraða. Þar sem áður stóð tússtafla og skjávarpi með flöktandi peru er að koma stór, skýr og snertinæmur skjár sem kennarinn stýrir með fingrinum. Ekki bara sýningartæki, heldur miðja kennslunnar.
Blogg
14.09.2026
Haustráðstefnu Advania er lokið og við sitjum eftir með bros á vör. Hliðarviðburðurinn okkar með Verkada, „Blurring Faces, Not the Rules“ eða  „Andlit í móðu en ekki reglurnar“, var vel sóttur, umræðurnar líflegar og viðtökurnar frábærar. Takk til allra sem mættu, kíktu á básinn og tóku þátt í spjallinu. Fyrir þau sem misstu af deginum (eða vilja rifja hann upp) tókum við saman það helsta.
Fréttir
03.09.2026
Advania ALT (Advania AI Layer Technology) er ný lausn sem gerir fyrirtækjum og stofnunum kleift að nýta leiðandi gervigreindarlíkön á öruggan og ábyrgan hátt.
Fréttir
31.08.2026
Haustráðstefna Advania fer fram í 32. sinn í Hörpu fimmtudaginn 10. september 2026 þar sem gervigreind, netöryggi og nýsköpun mætast. Á dagskrá eru sautján erindi og tvær pallborðsumræður svo á svið stíga yfir 20 sérfræðingar en uppselt er á ráðstefnuna á hverju ári.
Blogg
24.08.2026
Verkada er á mikilli siglingu á íslenskum markaði, og það er engin tilviljun. Sífellt fleiri íslensk fyrirtæki og stofnanir eru að færa sig yfir í öryggislausn sem er hönnuð fyrir skýið frá grunni, uppfærist sjálfkrafa og verður snjallari með hverri uppfærslu.  En af hverju einmitt núna? Svarið liggur meðal annars á óvæntum stað: verðmiðanum á minni.
Blogg
18.06.2026
Ársskýrsla Advania kom út á dögunum og þar er fjallað um sjálfbærni og fjárhag á sama grundvelli, þar sem þessir þættir eru metnir til jafns hjá samstæðunni allri. Sjálfbærni er þannig orðin mun stærri og dýpri hluti af rekstri Advania en áður og sífellt meira nýtt sem virkur hluti af stefnumótun, áhættustýringu og verðmætasköpun. Megináherslur skýrslunnar verða gefnar út á næstu vikum í formi styttri blogga.
Blogg
05.06.2026
Þjónustuhugsun skiptir meira máli en nokkru sinni fyrr.
Viltu vita meira?

Tölum saman

Viltu vita meira? Sendu okkur fyrirspurn.