Kolefnisspor vara nú aðgengilegt í vefverslun Advania
Sjálfbærni snýst ekki bara um markmið heldur líka um aðgerðir, gagnsæi og upplýstar ákvarðanir. Þess vegna erum við hjá Advania á Íslandi afar stolt af því að kolefnisspor er nú sýnt á flestum vörum í vefverslun okkar.
Með því að birta kolefnisspor vara viljum við styðja viðskiptavini okkar í að velja búnað með meiri vitund um loftslagsáhrif og um leið gera sjálfbærnivinnu Advania sýnilegri og aðgengilegri.
Hvað þýðir kolefnisspor vara?
Kolefnisspor vara er birt í kgCO₂e (kílógrömm koltvísýringsígilda). Það er samanburðarhæf mælieining sem tekur saman áhrif mismunandi gróðurhúsalofttegunda í eitt gildi. Þannig verður einfaldara að bera saman loftslagsáhrif ólíkra vara – hvort sem um ræðir tölvur, skjái eða annan tæknibúnað.
Vönduð og gagnsæ aðferðafræði
Á bak við þessar tölur liggur mikil vinna og vönduð aðferðafræði, sem Advania hefur þróað í nánu samstarfi við Kolku.
Útreikningar okkar byggja fyrst og fremst á:
- Lífsferilsgreiningum (LCA – Life Cycle Assessment) og
- Product Carbon Footprint (PCF) gögnum frá framleiðendum, þegar slík gögn eru aðgengileg.
Í þeim tilfellum þar sem framleiðendur hafa ekki birt sértækar LCA- eða PCF-niðurstöður notum við viðurkennda losunarstuðla frá DEFRA og reiknum kolefnisspor út frá þyngd vöru. Þessi nálgun tryggir samræmi, fagmennsku og gagnsæi og byggir á bestu fáanlegu gögnum hverju sinni.
Í dag er kolefnisspor varanna að langmestu leyti byggt á vegnu meðaltali LCA- og PCF-gagna ásamt stöðluðum útreikningum út frá þyngd.
Af hverju er ekki kolefnisspor á öllum vörum?
Við gátum ekki birt kolefnisspor á öllum vörum, einfaldlega vegna þess að þær upplýsingar eru ekki alltaf aðgengilegar hjá framleiðendum. Við tókum þó meðvitaða ákvörðun um að birta kolefnisspor á sem flestum vörum frekar en engum, til að skapa fyrr raunverulegt virði fyrir viðskiptavini.
Markmiðið er skýrt:
Að gera upplýsingar um loftslagsáhrif tækjabúnaðar sýnilegri, þannig að bæði viðskiptavinir og almenningur geti tekið upplýstari ákvarðanir og stigið skref í átt að sjálfbærari framtíð.
Þetta er lifandi vegferð
Kolefnisspor vara í vefverslun Advania er ekki lokaafurð, heldur hluti af þróunarvinnu til framtíðar. Við munum uppfæra kolefnisspor árlega, í takt við nýjustu aðgengilegar upplýsingar frá framleiðendum og áframhaldandi þróun á gögnum og aðferðafræði.
Eftir því sem nákvæmari og vörusértækari LCA-gögn verða aðgengileg er stefnt að því að birta enn ítarlegri upplýsingar niður á hverja tegund raftækja.
Ef spurningar vakna um kolefnisspor vara eða aðferðafræðina á bakvið útreikningana er alltaf hægt að hafa samband við mig.