imageDescription
mín að lesa

„Mikilvægt að grípa viðskiptavinina þegar þörf er á“

„Við veitum persónulega og góða þjónustu og viljum alltaf standa fyrir framúrskarandi þjónustu til okkar viðskiptavina. Þjónustuborðið okkar er opið frá níu til fjögur og við reynum að grípa öll mál sem koma til okkar og svara þeim hratt og vel,“ segir Díana Björk Olsen deildarstjóri ráðgjafar og þjónustu hjá Mannauðslausnum Advania.

Díana Olsen deildarstjóri ráðgjafar og þjónustu hjá Mannauðslausnum Advania: Mynd/Jón Snær Ragnarsson

Fréttir - 3. október 2024

„Mikilvægt að grípa viðskiptavinina þegar þörf er á“

„Við veitum persónulega og góða þjónustu og viljum alltaf standa fyrir framúrskarandi þjónustu til okkar viðskiptavina. Þjónustuborðið okkar er opið frá níu til fjögur og við reynum að grípa öll mál sem koma til okkar og svara þeim hratt og vel,“ segir Díana Björk Olsen deildarstjóri ráðgjafar og þjónustu hjá Mannauðslausnum Advania.

„Við erum sautján í teyminu og erum með H3 launa og mannauðskerfi, Bakvörð, Vinnustund, Matráð, Samtal og Flóru. Ráðgjafar okkar hafa mjög fjölbreytta sérhæfingu og faglega þekkingu sem og dýrmæta reynslu sem gagnast okkar viðskiptavinum. Fimm verkefnastjórar sjá svo um innleiðingar á nýjum viðskiptavinum og samþættingar við okkar kerfi sem og önnur kerfi. Þetta er einstakt teymi sem vinnur ótrúlega vel saman.“

Aðspurð um algeng hrós sem deildin fái svarar Díana: „Fólk er mjög ánægt með skjót og greinargóð svör og almennt með aðstoðina sem það fær. Við erum fljót að tengjast þeirra umhverfi og getum aðstoðað fólkið með sín gögn eftir þörfum hvers og eins. Það er alltaf jafn skemmtilegt að heyra hrós um það hvað mitt teymi er frábært og hvað það er alltaf gott að leita til þeirra.“

Vilja vera skrefi á undan

Díana segir að mikilvægur hluti af þjónustunni sé að reyna að vera skrefi á undan. „Sem dæmi má nefna að þegar við sjáum út frá þjónustubeiðnum að það sé þörf fyrir frekari kennslu eða þjálfun þá höfum við samband við viðskiptavininn og bjóðum fram aðstoð þess efnis. Þannig aukum við þekkingu viðskiptavina okkar á okkar kerfum sem hefur í för með sér minnkun á handavinnu og þannig gefst meiri tíma í annað. „Við fylgjumst til dæmis með því þegar það koma inn nýir launafulltrúar hjá fyrirtækjum sem nota H3. Við viljum vera á undan að bjóða þeim stuðning, fræðslu og kennslu á kerfið og að halda í höndina á þeim á meðan þeir vinna fyrstu launavinnsluna,“ útskýrir Díana.

Efri röð frá vinstri: Diljá, Harpa, Helga, Malgorzata og Theódóra. Neðri röð frá vinstri: Lilja, Ásta, Guðlaug, Berglind, Nína og Borghildur. Mynd/Jón Snær Ragnarsson

Efri röð frá vinstri: Diljá, Harpa, Helga, Malgorzata og Theódóra. Neðri röð frá vinstri: Lilja, Ásta, Guðlaug, Berglind, Nína og Borghildur. Mynd/Jón Snær Ragnarsson

Veita meiri þjónustu þegar þörf er á

„Viðbótarþjónusta sem við höfum boðið upp á og fundið að þörf er fyrir, er stuðningur þegar veikindi og frí launafulltrúa koma upp á vinnustöðum þar sem oft enginn afleysing er. Þá höfum við stokkið inn og aðstoðað. Slíkar beiðnir hafa komið inn til okkar með mjög stuttum fyrirvara enda gera veikindi ekki alltaf boð á undan sér og höfum við séð um að greiða út laun eftir nokkra daga. Með þessu erum við að veita framúrskarandi þjónustu. Við árstíðarbundnar sveiflur veitum við meiri stuðning í launavinnslu eins og með desemberuppbót og orlof. Einnig bjóðum við upp á fjölmörg námskeið sem viðskiptavinir okkar eru duglegir að nýta sér,“ segir Díana.

„Við erum alltaf til staðar og tilbúin að aðstoða, því það er mikilvægt að grípa viðskiptavinina þegar þörf er á.“

Viðtalið birtist fyrst í Mannauðsblaði Morgunblaðsins 3. október 2024.

Fleiri fréttir

Fréttir
10.03.2026
Lager, verkstæði og vöruafhending færðu sig um set og opnuðu á nýjum stað í Skútuvogi 12 mánudaginn 30. mars.
Blogg
09.03.2026
Gervigreind er orðin hluti af stefnu flestra fyrirtækja. Hún á að auka skilvirkni, bæta þjónustu og styðja betri ákvarðanatöku. En ein lykilspurning gleymist oft. Á hvaða gögnum á gervigreindin að byggja? Svarið liggur í CRM.
Blogg
06.03.2026
Advania á Íslandi hefur nú náð SBTi: Scope 3 losunarmarkmiðinu. SBTi (Science Based Targets initiative) er alþjóðlegt viðmið sem hjálpar fyrirtækjum að setja raunhæf losunarmarkmið byggð á loftslagsvísindum, í takt við 1,5°C markmið Parísarsamkomulagsins.
Blogg
05.03.2026
Jabra hefur kynnt til leiks Evolve 3 seríuna. Glænýja kynslóð heyrnartóla sem sameinar hágæða hljóð, smekklega hönnun og háþróaða tækni fyrir bæði vinnu og afþreyingu. Tvær tegundir eru komnar til Advania: Evolve3 85 (yfir eyru) og Evolve3 75 (ofan á eyru), og báðar sporta nýrri nálgun á hönnun og virkni.
Fréttir
25.02.2026
Advania hefur fest kaup á íslenska hugbúnaðarfyrirtækinu Evolv, ört vaxandi félagi sem sérhæfir sig í sjálfvirknivæðingu. Evolv hefur þróað og innleitt lausnir sem nýta stafrænt vinnuafl til að auka skilvirkni og gæði og hefur frá stofnun þess árið 2020 þjónustað fjölda fyrirtækja og stofnana, þvert á starfssvið.
Fréttir
24.02.2026
„Helstu kostirnir við H3 eru auðvitað að það er mjög dýnamískt þegar kemur að halda utan um allt sem snýr að mannauðsmálum og því sem snertir starfsmanninn í heild, frá launum eða frá ráðningu yfir í starfslok,“ segir Kristján Þór Magnússon, sviðsstjóri mannauðs- og starfsumhverfis í Mosfellsbæ.
Blogg
23.02.2026
Nú nálgast sumarið hratt og mörg fyrirtæki farin að huga að ráðningu sumarstarfsfólks. Á mörgum vinnustöðum verður oft snúið að finna rétta búnaðinn, enda þarf að finna rétta jafnvægið á milli kostnaðar, notagildis og öryggis. Við höfum tekið saman nokkur ráð sem gott er að hafa í huga:
Blogg
17.02.2026
Advania hélt vel sóttan morgunverðarfund þar sem við kynntum nýjustu lausnir Verkada á sviði öryggis- og aðgangsstýringar. Áherslan að þessu sinni var sérstaklega lögð á aðgangsstýringu, samþættingu hennar við aðrar vörur Verkada og þann ávinning sem fyrirtæki fá þegar öll öryggistækni er komin inn í eitt, heilstætt og skýjabundið umhverfi.
Fréttir, Power Platform
16.02.2026
Á Viðskiptakerfadegi Advania þann 11. mars næstkomandi koma saman sérfræðingar Advania, viðskiptavinir og fulltrúar Microsoft til að ræða framtíð viðskiptakerfa, gervigreindar og sjálfvirkni. Viðburðurinn fer fram á Hilton Reykjavík Nordica og opnar húsið klukkan 12:30.
Fréttir
11.02.2026
Ármann Jakob Pálsson sérfræðingur hjá Rekstrarlausnum Advania hefur hlotið sérstaka Community Ambassador viðurkenningu frá Red Hat.
Fréttir
09.02.2026
Um helgina fór UTmessan fram í 16. skipti í Hörpu. Advania var einn af samstarfsaðilum ráðstefnunnar og kynntum við meðal annars Signet lausnirnar, Skjöld og 90 daga gervigreindarhraðal Gervigreindarsetur Advania.
Fréttir
04.02.2026
„Hvað ætlar þitt fyrirtæki að gera í gervigreind?“ er líklega algengasta spurningin sem stjórnendur fyrirtækja hafa spurt og verið spurðir að síðastliðið ár. Gervigreindarsetur Advania hefur farið af stað með 90 daga hraðal þar sem markmiðið er að fyrirtæki taki skýr skref í átt að virðisaukandi nýtingu gervigreindar í rekstri.
Viltu vita meira?

Tölum saman

Viltu vita meira? Sendu okkur fyrirspurn.