imageDescription
mín að lesa

Öryggisoktóber hjá Advania

Í Öryggisoktóber ætlum við hjá Advania að bjóða upp á einn morgunverðarfund og þrjá veffundi þar sem öryggismál eru í fyrirrúmi.

Fréttir - 1. október 2025

Öryggisoktóber hjá Advania

Í Öryggisoktóber ætlum við hjá Advania að bjóða upp á einn morgunverðarfund og þrjá veffundi þar sem öryggismál eru í fyrirrúmi.

Öryggi í takt við tímann

Miðvikudaginn 8. október bjóðum við til viðburðarins Öryggi í takt við tímann: Hagnýtar nálganir í síbreytilegu landslagi.  Gagnagíslatökur, fyrirmælasvik, netveiðar, DDoS árásir, þekktir veikleikar og öryggi einstakra kerfa. Hvar misstir þú þráðinn?

Á þessum fundi munum við fara aftur í kjarnann, hvað skiptir máli og hvernig fyrirtæki geta nálgast öryggismál á raunhæfan hátt. Fundurinn er haldinn í Guðrúnartúni 10 en einnig verður hægt að fylgjast með í beinu streymi frá starfsstöð okkar á Akureyri.

Við heyrum frá sérfræðingum stórra fyrirtækja auk Advania, sem deila reynslu og aðferðarfræði til að greina aðalatriðin frá aukaatriðum. Stafrænt öryggi er lífsnauðsynlegt fyrir langflest fyrirtæki, en það þýðir ekki að það þurfi að umbreyta allri starfsemi til að ná árangri.

Dagskrá:

Að stjórna netöryggi án þess að skilja það

- Óskar Ingi Magnússon, deildarstjóri stafrænnar tækni og greininga hjá Ölgerðinni

Öryggi án reksturs er rekstur án öryggis

- Bjarki Traustason, öryggisráðgjafi hjá Advania

Netöryggi okkar allra

- Guðmundur Arnar Sigmundsson netöryggis- og gagnaþróunarstjóri Advania

Í lok fundar ættu gestir að hafa skýra mynd af því hvað er brýnast fyrir þeirra fyrirtæki, auk þess að fá verkfæri til þess að taka öryggismálin upp á næsta stig.

Opnir veffundir í beinni útsendingu

Þann 16. október höldum við veffundinn Frá áskorun til árangurs – Advania leiðin að NIS2 og DORA þar sem fram koma Hafsteinn Guðmundsson framkvæmdastjóri rekstrarlausna hjá Advania og Hildur Sif Haraldsdóttir yfirlögfræðingur Advania.

Viku síðar mun Arnar Ágústsson fá til sín í upptökuverið þá Aðalstein Jónsson netöryggissérfræðing hjá CERT-IS og Jóhann Þór Kristþórsson forstjóra og meðstofnanda Ambaga en allir þrír komu fram á Haustráðstefnu Advania í síðasta mánuði.

Á þriðja veffundinum, þann 30. október, ætlar Guðmundur Arnar Sigmundsson að ræða um netöryggisseiglu og ógnarveiðar. Hvað þýða þessi hugtök, hvernig tengjast þau og hvernig varpast þau yfir á almenna notendur upplýsingatæknikerfa sem og rekstaraðila.

Skráning á veffundina verður auglýst þegar nær dregur.

Fleiri fréttir

Fréttir
26.02.2025
Hildur Einarsdóttir er nýr forstjóri Advania á Íslandi, stærsta upplýsingatæknifyrirtækis landsins. Hún tekur við starfinu af Ægi Má Þórissyni, sem gegnt hefur starfinu í tæp tíu ár en tekur nú við lykilhlutverki í framkvæmdastjórn Advania-samstæðunnar.
Fréttir
23.02.2025
Advania hefur verið samstarfsaðili Héðins á þeirra stafrænu vegferð og meðal annars aðstoðað með netöryggi, sjálfvirknivæðingu ferla, betrumbætur á flæði og fleira.
Fréttir
07.02.2025
Í dag fer fram ráðstefnudagur hinnar árlegu UTmessu í Hörpu. Á UTmessunni koma saman helstu tölvu- og tæknifyrirtæki landsins til að deila nýjungum, hvetja fólk til að kynnast iðnaðinum og sýna hvað tæknin getur gert fyrir daglegt líf. Þetta er í 15. skipti sem UTmessan er haldin.
Blogg
04.02.2025
Í yfir 20 ár hefur Wi-Fi tæknin haldið heiminum tengdum og fylgt sívaxandi þörfum fyrirtækja og notenda. Nú eru þráðlaus netkerfi mikilvægari en nokkru sinni fyrr, og með Wi-Fi 7 er tekin enn stærri skref í átt að hraðari, stöðugri og afkastameiri nettengingum.
Blogg
03.02.2025
DeepSeek-R1 líkanið er nú fáanlegt sem NVIDIA NIM og keyrir á NVIDIA HGX H200 þjónum, sem gerir forriturum kleift að gera tilraunir á öruggan hátt með gervigreind.
businesscentral.advania.is, Blogg
27.01.2025
Á þeim tíu árum sem ég hef verið viðloðandi sölu, þjónustu, þróun og markaðssetningu á viðskiptabókhaldskerfum hef ég átt aragrúa samtala við viðskiptavini um allt á milli himins og jarðar er við kemur þessum málaflokki.
Fréttir
21.01.2025
Liva er ný bókunarlausn frá Advania sem kynnt var til leiks í ferðaþjónustuvikunni 2025. Ágúst Elvarsson rekstarstjóri hjá Jökulsárlóni ehf hefur tekið þátt í þróuninni á Liva frá upphafi. Með því að taka Liva í notkun getur hann skipt út tveimur, ef ekki þremur, mun flóknari og þyngri kerfum.
Fréttir
15.01.2025
Í dag fer fram Mannamót Markaðsstofa landshlutanna í Kórnum í Kópavogi sem er mikilvægur hluti af Ferðaþjónustuvikunni á ári hverju.  Af þessu tilefni taka Advania á Íslandi og Markaðsstofur landshlutanna höndum saman og standa fyrir Advania LIVE beinni útsendingu frá Kórnum þar sem rætt verður við aðila innan ferðaþjónustunnar og fleiri góða gesti.
Fréttir
09.01.2025
NVIDIA kynnti nýlega Project DIGITS. Gervigreindar-ofurtölvu sem veitir rannsakendum, gagnavísindamönnum og nemendum um allan heim aðgang að gervigreindarlausninni NVIDIA Grace Blackwell. Þetta er í fyrsta sinn sem slíkt afl er beislað í boxi sem passar á ósköp venjulegt skrifborð.
Blogg
07.01.2025
Sem netöryggisráðgjafi rekst ég oft á fyrirtæki sem treysta á Linux netþjóna til að keyra mikilvæg kerfi og forrit, en á sama tíma eru þau ekki fullviss um öryggi og stöðugleika þeirra. Hver kannast ekki við Linux þjóna sem hafa verið keyrandi í mörg hundruð daga án þess að vera endurræstur? Það má ekki endurræsa því þetta einfaldlega virkar og þekkingin til að bilanagreina ef eitthvað bilar er ekki til staðar. Þá er gott að spyrja sig, hver er raunveruleg staða öryggis, uppfærslna og viðhalds á þínum Linux netþjónum?
Fréttir
06.01.2025
Advania á Íslandi er nú í hæsta mögulega flokki samstarfsaðila NVIDA. Þetta markar tímamót í samstarfi fyrirtækjanna og opnar á frekari möguleika.
Blogg
19.12.2024
Advania hefur ákveðið að innleiða nýjar breytingar til að styðja verðandi og nýbakaða foreldra á þessu merkilega, frábæra en krefjandi tímabili í kringum barnseignir.  Með þessum breytingum vill fyrirtækið tryggja að starfsfólk fái þann stuðning sem það þarf til að takast á við ný hlutverk og ábyrgðir sem fylgja foreldrahlutverkinu.
Viltu vita meira?

Tölum saman

Viltu vita meira? Sendu okkur fyrirspurn.