imageDescription
mín að lesa

Sveigjanleiki er jafnréttismál 

Sveigjanleiki gerir okkur ekki aðeins kleift að styðja starfsfólk okkar heldur skilar sér í aukinni framleiðni, lægri starfsmannaveltu og sterkari tengslum á vinnustaðnum. Þetta er stefna sem sýnir að við leggjum áherslu á fólk, en um leið er hún mikilvæg fjárfesting í framtíð fyrirtækisins. Þegar starfsfólk upplifir raunverulegan stuðning og skilning, verður það ekki aðeins ánægðara heldur leggur sitt af mörkum með meiri ástríðu og skuldbindingu.

Blogg - 2. maí 2025

Sveigjanleiki er jafnréttismál 

Ingunn Guðmundsdóttir
mannauðssérfræðingur hjá Advania

Sveigjanleiki gerir okkur ekki aðeins kleift að styðja starfsfólk okkar heldur skilar sér í aukinni framleiðni, lægri starfsmannaveltu og sterkari tengslum á vinnustaðnum. Þetta er stefna sem sýnir að við leggjum áherslu á fólk, en um leið er hún mikilvæg fjárfesting í framtíð fyrirtækisins. Þegar starfsfólk upplifir raunverulegan stuðning og skilning, verður það ekki aðeins ánægðara heldur leggur sitt af mörkum með meiri ástríðu og skuldbindingu.

Sveigjanleiki á vinnustað vísar til stefnu og starfshátta sem veita starfsfólki meira frelsi til að ákveða hvenær, hvar og hvernig þau vinna. Þetta snýst ekki eingöngu um fjarvinnu — heldur felur það líka í sér sveigjanlegan vinnutíma og sjálfræði til að nálgast verkefnin á ólíkan máta.

Sveigjanleikinn er sérstaklega mikilvægur í ljósi jafnréttismála. Hópar sem oft mæta kerfislægum hindrunum í atvinnulífinu—svo sem konur, foreldrar og einstaklingar í persónulegum erfiðleikum—hafa betri forsendur til að ná árangri þegar þörfum þeirra er mætt með sveigjanleika.

Að mæta „þriðju vaktinni“ …

Hugtakið sveigjanleiki tengist nánum böndum við „þriðju vaktina“—ógreiðanlegt andlegt og tilfinningalegt álag sem konur bera oftar en ekki þungan af. Auk starfsskyldna sinna (fyrsta vaktin) og heimilisverka (önnur vaktin) taka margar konur á sig ábyrgð sem óformlegir stjórnendur, hvort sem er innan fjölskyldu, í félagslegum samskiptum eða í vinnu.

Samkvæmt könnun McKinsey árið 2023 eru konur 1,5 sinnum líklegri en karlar til að eyða 10 eða fleiri klukkustundum í vikunni í umönnunarskyldur. Fyrir konur í fullu starfi getur þessi þriðja vakt verið óyfirstíganlegt álag, sem veldur aukinni streitu, stöðnun í starfi eða jafnvel brottfalli af vinnumarkaði.

Sveigjanleiki getur breytt miklu í þessum aðstæðum. Þegar konur hafa möguleika á að vinna að heiman, stilla vinnutíma sínum eða taka hlé til að sinna fjölskylduskyldum, eiga þær auðveldara með að samræma þessar ólíku skyldur. Sveigjanleiki stuðlar að því að konur og eða þau sem bera hitann og þungann af þriðju vaktinni geti haldið áfram að starfa, vaxið í starfi og lagt sitt af mörkum til árangurs fyrirtækisins.

Höfundur greinar er mannauðssérfræðingur hjá Advania.

Höfundur greinar er mannauðssérfræðingur hjá Advania.

Líka ávinningur fyrir karlmenn

Sveigjanleiki er oft tengdur við bætt starfsumhverfi fyrir konur eins og rannsóknir hafa sýnt fram á, en ávinningurinn er ekki síðri fyrir karla. Í samfélagi eins og Íslandi, þar sem við erum leiðandi í jafnrétti og þátttöku karla í uppeldi barna, getur sveigjanleiki stutt við og styrkt þessar framfarir með því að veita feðrum aukið frelsi til að sinna heimilislífi og börnum sínum eða öðrum verkefnum þriðju vaktarinnar án þess að upplifa sektarkennd yfir því að vera fastir á vinnustað á fyrirfram ákveðnum vinnutíma.

Þó það sé oft samfélagslega samþykkt að konur axli þriðju vaktina, jafnvel á kostnað starfsferils síns, standa karlar frammi fyrir öðrum áskorunum. Þeir eru líklegri til að mæta fordómum og fyrirframgefnum hugmyndum ef þeir velja að forgangsraða heimilislífi fram yfir vinnu. Þeir gætu upplifað að það sé dregið í efa hvort þeir séu nógu metnaðarfullir eða vinnusamir ef þeir vilja sinna börnum sínum, fara heim snemma eða skipta vinnudeginum upp til að sinna fjölskyldunni.

Sveigjanleiki á vinnustað greiðir þannig ekki bara leiðina fyrir þeim sem nú þegar sinna þriðju vaktinni, heldur eykur sveigjanleikinn einnig líkurnar á því að fleiri deili ábyrgðinni á þeirri vakt. Þannig getur sveigjanleiki skipt sköpum í að jafna stöðu kynjanna með tvíþættu afli.

Sveigjanleiki fyrir alla

Að bjóða upp á sveigjanleika í vinnu er ekki eingöngu til þess mæta þörfum fjölskyldufólks heldur er það hagur allra. Við vitum að margt starfsfólk þarf að takast á við ýmsar áskoranir í lífinu, sýnilegar og ósýnilegar og hefur öðrum skyldum að sinna utan vinnunnar. Það getur verið að annast aldraða foreldra, glíma við langvinna sjúkdóma, sinna eigin andlegri heilsu eða jafnvel að stunda nám til að bæta eigin framtíðarmöguleika. Sveigjanlegur vinnustaður gerir fólki kleift að sinna þessum verkefnum án þess að það þurfi að fórna starfsframa sínum eða upplifa óþarfa streitu vegna ósveigjanlegs skipulags.

Á Íslandi er mikið lagt upp úr velferð og samfélagslegri ábyrgð, og fyrirtæki sem bjóða upp á sveigjanleika sýna með því að þau eru hluti af þeirri menningu. Það er viðurkennt að starfsfólk tekst á við ólíkar áskoranir á mismunandi tímum í lífi sínu. Sveigjanleiki gefur fólki frelsi til að laga vinnudaginn að sínum aðstæðum, hvort sem það þarf að skipta vinnudeginum upp, vinna að heiman eða taka sér tíma í persónuleg mál. Með þessu geta fyrirtæki betur mætt þörfum starfsfólks, sem skilar sér í meiri starfsánægju og sterkari tengslum við vinnustaðinn.

Með því að innleiða sveigjanleika, hvort sem það er með fjarvinnu, sveigjanlegum vinnutíma eða öðrum úrræðum, sendum við skýr skilaboð: Við mætum starfsfólki þar sem það er statt í lífinu og veitum því svigrúm til að ná jafnvægi. Þetta er stefna sem við trúum á—og við höldum áfram að þróa hana til að mæta þörfum okkar starfsfólks. Því við erum Advania: Tæknifyrirtækið sem setur fólk í fyrsta sæti.

Fleiri fréttir

Fréttir
07.02.2022
Fylgjast má með veðrinu í beinu streymi frá vefmyndavél sem Advania hefur komið fyrir í gluggakistu á höfuðstöðvum fyrirtækisins í Guðrúnartúni í Reykjavík.
Fréttir
04.02.2022
Advania hlaut í dag viðurkenningu frá Microsoft fyrir að vera samstarfsaðili ársins 2022. Tilkynnt var um verðlaunin í gær á fögnuði með samstarfsaðilum Microsoft sem haldinn er árlega í Danmörku.
Fréttir
02.02.2022
Eftir að starfsfólki Advania bauðst frí afnot af rafskutlum Hopp á vinnutíma, hefur starfsmannaflotinn verið óstöðvandi á skutlunum. Notkunin hefur bara aukist í vetur og einkabílanotkun hefur dregist saman.
Fréttir
02.02.2022
Öflugur hópur sérfræðinga hefur gengið til liðs við Advania til að stýra viðskiptaþróun veflausna fyrirtækisins. Fyrir teyminu fer Birgitta Ósk Rúnarsdóttir sem hefur víðtæka reynslu úr hugbúnaðar- og fjármálageiranum.
Fréttir
27.01.2022
Met þátttaka var á veffundi Advania um hlutverk og vægi stafrænna leiðtoga. Fundurinn fór fram á dögunum en hátt í 600 manns fylgdust með honum og tóku þátt í umræðum. Augljóst er af viðbrögðunum að dæma, að hlutverk stafrænna leiðtoga enn í mótun á mörgum vinnustöðum.
Fréttir
10.01.2022
Átta spurningar sem allir stjórnendur og stafrænir leiðtogar ættu að spyrja sig.
Blogg
05.01.2022
S4S opnaði nýlega glæsilegan vef sem sameinar fimm vefverslanir fyrirtækisins undir einni verslun. Vefurinn var þróaður af veflausnum Advania og hér er fjallað um helstu atriði sem stuðla að góðum árangri hans.
Fréttir
22.12.2021
Advania, NTV og Promennt hafa tekið höndum saman til að vekja athygli kvenna á kerfisstjórnun. Mikil eftirspurn er eftir menntuðum kerfisstjórum í atvinnulífinu en hingað til hafa karlar verið í miklum meirihluta þeirra sem sinna starfinu.
Fréttir
20.12.2021
Advania hefur keypt norska fyrirtækið Painkiller sem sérhæfir sig í ráðgjöf og hugbúnaðarlausnum á sviði öryggis í upplýsingatækni.
Fréttir
14.12.2021
Upplýsingatæknigeirinn er í stöðugri þróun og þar eru fjölmörg atvinnutækifæri fyrir fólk af öllum kynjum. Við hjá Advania viljum auka fjölbreytni í stéttinni og leiðrétta kynjahallann sem ríkt hefur hingað til.
Fréttir, businesscentral.advania.is
14.12.2021
Nútíma viðskiptakerfi bjóða uppá mikla möguleika til einföldunar á viðskiptaferlum, frekari sjálfvirkni og tengingu við ytri kerfi eins og vefverslanir. Með því að færa viðskiptakerfið í skýið fá fyrirtæki aðgang að kerfi sem er alltaf uppfært sem þýðir að stórar og erfiðar uppfærslur viðskiptakerfa heyra sögunni til.
Fréttir
13.12.2021
Lið Advania fór með sigur úr býtum í firmakeppni Elko í CS:GO sem haldin var í Arena á föstudag. Advania tryggði sigurinn eftir að hafa lagt lið Vodafone í úrslitaviðureigninni.
Viltu vita meira?

Tölum saman

Viltu vita meira? Sendu okkur fyrirspurn.