imageDescription
mín að lesa

Sverrir Scheving til Advania

Sverrir Scheving Thorsteinsson er nýr deildarstjóri rafrænna viðskipta og skólalausna Advania. Hann býr yfir fjölbreyttri reynslu úr upplýsingatækni- og tryggingageiranum.

Sverrir Scheving Thorsteinsson

Fréttir - 23. mars 2023

Sverrir Scheving til Advania

Sverrir Scheving Thorsteinsson er nýr deildarstjóri rafrænna viðskipta og skólalausna Advania. Hann býr yfir fjölbreyttri reynslu úr upplýsingatækni- og tryggingageiranum.

Sverrir mun leiða þróun á stafrænum skólalausnum Advania sem hjálpa til við skipulag og samskipti m.a. í leikskólum, menntaskólum, frístundaheimilum og hjá símenntunarstofnunum. Lausnirnar gegna sífellt veigameira hlutverki í skólastarfi og eru notaðar af tugþúsundum foreldra, kennara og nemenda í landinu.

Þá fer Sverrir einnig fyrir þróun á lausnum Advania sem snúa að því að auðvelda fyrirtækjum landsins að stunda rafræn viðskipti. Lausnirnar miðla skeytum á milli bókhaldskerfa sem gerir notendum kleift að senda og taka á móti rafrænum reikningum og pöntunum hvaðan sem er í heiminum.

Sverrir hefur víðtæka reynslu af upplýsingatækni en hann kemur til Advania frá Verði tryggingum. Þar stýrði hann vöruteymi trygginga í samstæðu Arion banka og Varðar en hlutverk þess var m.a. að bjóða viðskiptavinum tryggingar samhliða annarri fjármálaþjónustu. Sverrir leiddi áður upplýsingatæknisvið Varðar og þar á undan stýrði hann upplýsingatæknisviði OKKAR líftrygginga.

Sverrir lagði stund á atvinnuflugmannsnám við Flugskóla Íslands og tölvunarfræði við Háskólann í Reykjavík. Hann var tilnefndur til stjórnunarverðlauna Stjórnvísis árin 2021 og 2022 fyrir störf sín hjá Verði tryggingum.

„Ég er virkilega spenntur að fá Sverri til liðs við frábæra þróunarteymið okkar. Það er mjög gott að fá svo öflugan stjórnanda enda hefur Sverrir mikla reynslu sem án efa mun nýtast viðskiptavinum okkar vel,” segir Falur Harðarson, forstöðumaður sérlausna Advania.

„Ég er stoltur og ánægður með að vera kominn í hóp starfsfólks Advania. Það er margt vel gert hjá fyrirtækinu en ég veit líka að við getum gert enn betur. Ég hlakka til að takast á við skemmtileg og krefjandi verkefni með frábæru samstarfsfólki,“ segir Sverrir.

Fleiri fréttir

Fréttir
10.03.2026
Lager, verkstæði og vöruafhending færðu sig um set og opnuðu á nýjum stað í Skútuvogi 12 mánudaginn 30. mars.
Blogg
09.03.2026
Gervigreind er orðin hluti af stefnu flestra fyrirtækja. Hún á að auka skilvirkni, bæta þjónustu og styðja betri ákvarðanatöku. En ein lykilspurning gleymist oft. Á hvaða gögnum á gervigreindin að byggja? Svarið liggur í CRM.
Blogg
06.03.2026
Advania á Íslandi hefur nú náð SBTi: Scope 3 losunarmarkmiðinu. SBTi (Science Based Targets initiative) er alþjóðlegt viðmið sem hjálpar fyrirtækjum að setja raunhæf losunarmarkmið byggð á loftslagsvísindum, í takt við 1,5°C markmið Parísarsamkomulagsins.
Blogg
05.03.2026
Jabra hefur kynnt til leiks Evolve 3 seríuna. Glænýja kynslóð heyrnartóla sem sameinar hágæða hljóð, smekklega hönnun og háþróaða tækni fyrir bæði vinnu og afþreyingu. Tvær tegundir eru komnar til Advania: Evolve3 85 (yfir eyru) og Evolve3 75 (ofan á eyru), og báðar sporta nýrri nálgun á hönnun og virkni.
Fréttir
25.02.2026
Advania hefur fest kaup á íslenska hugbúnaðarfyrirtækinu Evolv, ört vaxandi félagi sem sérhæfir sig í sjálfvirknivæðingu. Evolv hefur þróað og innleitt lausnir sem nýta stafrænt vinnuafl til að auka skilvirkni og gæði og hefur frá stofnun þess árið 2020 þjónustað fjölda fyrirtækja og stofnana, þvert á starfssvið.
Fréttir
24.02.2026
„Helstu kostirnir við H3 eru auðvitað að það er mjög dýnamískt þegar kemur að halda utan um allt sem snýr að mannauðsmálum og því sem snertir starfsmanninn í heild, frá launum eða frá ráðningu yfir í starfslok,“ segir Kristján Þór Magnússon, sviðsstjóri mannauðs- og starfsumhverfis í Mosfellsbæ.
Blogg
23.02.2026
Nú nálgast sumarið hratt og mörg fyrirtæki farin að huga að ráðningu sumarstarfsfólks. Á mörgum vinnustöðum verður oft snúið að finna rétta búnaðinn, enda þarf að finna rétta jafnvægið á milli kostnaðar, notagildis og öryggis. Við höfum tekið saman nokkur ráð sem gott er að hafa í huga:
Blogg
17.02.2026
Advania hélt vel sóttan morgunverðarfund þar sem við kynntum nýjustu lausnir Verkada á sviði öryggis- og aðgangsstýringar. Áherslan að þessu sinni var sérstaklega lögð á aðgangsstýringu, samþættingu hennar við aðrar vörur Verkada og þann ávinning sem fyrirtæki fá þegar öll öryggistækni er komin inn í eitt, heilstætt og skýjabundið umhverfi.
Fréttir, Power Platform
16.02.2026
Á Viðskiptakerfadegi Advania þann 11. mars næstkomandi koma saman sérfræðingar Advania, viðskiptavinir og fulltrúar Microsoft til að ræða framtíð viðskiptakerfa, gervigreindar og sjálfvirkni. Viðburðurinn fer fram á Hilton Reykjavík Nordica og opnar húsið klukkan 12:30.
Fréttir
11.02.2026
Ármann Jakob Pálsson sérfræðingur hjá Rekstrarlausnum Advania hefur hlotið sérstaka Community Ambassador viðurkenningu frá Red Hat.
Fréttir
09.02.2026
Um helgina fór UTmessan fram í 16. skipti í Hörpu. Advania var einn af samstarfsaðilum ráðstefnunnar og kynntum við meðal annars Signet lausnirnar, Skjöld og 90 daga gervigreindarhraðal Gervigreindarsetur Advania.
Fréttir
04.02.2026
„Hvað ætlar þitt fyrirtæki að gera í gervigreind?“ er líklega algengasta spurningin sem stjórnendur fyrirtækja hafa spurt og verið spurðir að síðastliðið ár. Gervigreindarsetur Advania hefur farið af stað með 90 daga hraðal þar sem markmiðið er að fyrirtæki taki skýr skref í átt að virðisaukandi nýtingu gervigreindar í rekstri.
Viltu vita meira?

Tölum saman

Viltu vita meira? Sendu okkur fyrirspurn.