imageDescription
mín að lesa

Hvað eru álagsárásir og hvernig á að verjast þeim?

Kristján H. Hákonarson, forstöðumaður öryggis og persónuverndar hjá Advania fer stuttlega yfir eðli álagsárása og hvernig hægt er að sporna við slíkum árásum

Blogg - 13. júní 2019

Hvað eru álagsárásir og hvernig á að verjast þeim?

Kristján H. Hákonarson, forstöðumaður öryggis og persónuverndar hjá Advania fer stuttlega yfir eðli álagsárása og hvernig hægt er að sporna við slíkum árásum

Kristján H. Hákonarson, forstöðumaður öryggis og persónuverndar hjá Advania á Íslandi, gerði stutta samantekt á eðli álagsárása, tilgangi þeirra, og leiðum til að sporna við þeim.

 

Talið er að svokallaðar álagsárásir (Denial of Service - DoS ) hafi fylgt internetinu allt frá árinu 1997. Tilgangur slíkra árása er að skerða eða lama þjónustu sem er í boði á netinu með því að yfirkeyra hana af álagi. Árásir sem gerðar eru samtímis frá mörgum aðilum eru kallaðar dreifðar álagsárásir (Distributed Denials of Service - DDoS). 
 
Tæknilega séð eru til margar leiðir til að skapa álag á þjónustum á netinu. Hér eru þrjú dæmi:

  • Hægt er að ráðast á undirliggjandi netbúnað með því að senda slíkt flæði af gögnum að búnaðurinn ráði einfaldlega ekki við að greiða úr umferðinni. 
  • Fyrir vefi er hægt að herma eftir umferð notenda inn á vefinn og skapa fleiri tengingar en hann ræður við. Hér þarf árásaraðili að hafa einhverja lágmarksþekkingu á umræddum vef. Hann þarf að minnsta kosti að vita slóðina og helst að vita eitthvað um undirliggjandi tækni sem knýr vefinn.
  • Feli vefsíða í sér tímafreka vinnslu gæti óprúttinn aðili reynt að kalla í þá aðgerð á meiri hraða en lausnin ræður við. Slík árás krefst hinsvegar tímafrekrar greiningar á virkni veflausnar og er því sjaldan framkvæmd.
     

Botnet og hlutverk þeirra í álagsárásum

Algengast er að er valda yfirálagi með því að senda óheyrilega mikið gagnamagn eða beiðnir um vefsíðu í gegnum dreifðar árásir. Öflugustu árásirnar eru gerðar með hjálp Botneta. Orðið botnet er samsetning úr "Robot" og "Network" og táknar net af tækjum sem láta að stjórn eins aðila. Gerandinn hefur þá náð valdi á tækjunum sem taka þátt í árásinni gegnum óværur eða með því að misnota veikleika. Tækið getur verið heimilistölva, nettengt sjónvarp eða öryggismyndavél. Botnet geta innihaldið hundruði þúsunda eða jafnvel milljónir tækja. Þau eru einnig nýtt í að senda spam pósta, stela gögnum og búa til rafmynt.
 

Hver er tilgangurinn?

Margskonar hópar búa yfir getu til að framkvæma álagsárásir, allt frá einstökum hökkurum til þjóðríkja. Álagsárásir eru einnig boðnar til sölu á netinu, fyrir svo lítið sem 15 evrur á mánuði. Í einstökum tilfellum á slík þjónusta rétt á sér, svo sem við álagsprófanir á veflausnum en oftar en ekki er ásetningurinn í besta falli vafasamur.
 
Hvers vegna ætti einhver að vilja framkvæma eða panta árás á aðra? Hér eru nokkur dæmi:
  • Samkeppni. 
    Hægt er að klekkja á samkeppnisaðilum með því að taka út þjónustur sem þeir bjóða á netinu. 
  • Aðgerðasinnar. 
    Til eru aðilar sem nota árásir til að vekja athygli á málstað sínum. Árás á vef stjórnarráðsins til að mótmæla hvalveiðum er gott dæmi um þetta.
  • Stjórnmál. 
    Sumar árásir eru gerðar í pólitískum tilgangi. Þjóðríki gera árásir sín á milli og reyna á innviði. Reynt er að hafa áhrif á kosningar með því að ráðast á kosningakerfin.
  • Hefndaraðgerðir. 
    Ef tyrkneskum hökkurum misbýður framkoman við landslið þeirra gætu þeir tekið upp á því að ráðast á vefsíðu Isavia.
  • Smjörklípa. 
    Álagsárásir eru stundum notaðar til að beina athygli frá öðru sem er í gangi, til dæmis innbroti í tölvukerfi. 
  • Ritskoðun. 
    Þegar árásir eru framkvæmdar til að gera efni óaðgengilegt sem einhver telur vera óviðeigandi eða ólöglegt, til dæmi hatursáróður eða ófrægingarherferðir.
  • Fjárkúgun. 
    Aðili gerir stutta árás á fyrirtæki og í kjölfarið kemur krafa um greiðslu ella verði árásin endurtekin.
  • Án ástæðu.
    Þekkt eru tilfelli þar sem aðilar hafa lýst sig ábyrga og sagt tilganginn aðeins hafa verið að prófa hvort þeir hefðu getu í árásina.
 

Hvernig á að verjast þessum árásum?

Varnir velta á tegund árása. Besta leiðin til að stöðva sérhæfðar árásir á vefsvæði er að fækka göllum, framkvæma öryggisprófanir á veflausninni og setja hana á bakvið eldvegg með er búin sérhæfðum vörnum fyrir veflausnir. 

Þegar árásin byggir á miklu flæði gagnamagns þá getur umferðin orðið slík að árásin nær ekki bara til vefsíðunnar heldur líka til netþjónustuaðila. Sá hinn sami gæti þurft að loka alveg á viðkomandi þjónustu til að verja aðra viðskiptavini sína. Til að verjast slíkum risaárásum þarf að hafa afkastagetu sem ræður við að sía gríðarlegt magn netumferðar og í þeim tilfellum er best að leita til sérhæfðra þjónustuaðila.

Undanfarin ár höfum við hjá Advania varist álagsárásum daglega og lagt í mikla vinnu við að finna réttu lausnirnar á þessu sviði, bæði fyrir okkur sjálf og viðskiptavini okkar. Ég hvet þig lesandi góður til að skoða nánar lausnaúrval okkar á þessu sviði og hafa samband við okkur, hafir þú frekari spurningar. 

 

- Kristján H. Hákonarson, forstöðumaður öryggis og persónuverndar hjá Advania á Íslandi.


Fleiri fréttir

Blogg
02.12.2025
Í vöruflóru Dell leynist lítið en merkilegt forrit sem þú kannast kannski ekki við. Dell Display and Peripheral Manager (DDPM) er forrit sem gerir þér kleift að stjórna öllum skjáum og jaðartækjum á einum stað. Ef þú hefur ekki skoðað þetta þrælsniðuga forrit, mælum við með að þú gerir það í einum grænum.
Fréttir
28.11.2025
Guðmundur Arnar Sigmundsson netöryggis- og gagnaþróunarstjóri Advania ræddi netsvik í tengslum við afsláttardaga, í beinni útsendingu í kvöldfréttum RÚV í gær.
Blogg
18.11.2025
Í heimi upplýsingatækni er VMware lykiltækni fyrir fyrirtæki sem vilja hámarka sveigjanleika, öryggi og afköst í innviðum sínum. Advania hefur fest sig í sessi sem einn af fremstu VMware samstarfsaðilum á Norðurlöndum. Það er ekki tilviljun.
Blogg
17.11.2025
Í gegnum árin hefur samstarf Advania og Yealink byggst á trausti, nýsköpun og sameiginlegri sýn um að veita viðskiptavinum bestu mögulegu lausnir í fundar- og samskiptatækni. Langur listi ánægðra viðskiptavina er vitnisburður um gæði lausnanna og þjónustunnar sem fylgir.
Blogg
13.11.2025
Dell hefur kynnt nýjar fartölvulínur sem eru hannaðar til að mæta ólíkum þörfum á vinnustöðum. Til að einfalda valið eru þrír meginflokkar: Dell Pro, Dell Pro Premium og Dell Pro Max. Hver lína er sérsniðin að mismunandi hlutverkum innan fyrirtækja, og hjálpar starfsfólkinu að vera Pro í sinni vinnu.
Fréttir
12.11.2025
Í kvöld var tilkynnt að Microsoft hefur valið Advania sem samstarfsaðila ársins á Íslandi árið 2025 (e. Partner of the Year). Þessi viðurkenning undirstrikar einstaka þekkingu og færni Microsoft sérfræðinga Advania.
Blogg
06.11.2025
Mannauðslausnir Advania hafa unnið að því að einfalda alla umsýslu milli fyrirtækja innan samstæðu í H3.
Fréttir
01.11.2025
Það var gleðistund þegar Advania afhenti Vísindagörðum fyrstu NVIDIA DGX Spark ofurtölvuna. Mikil eftirvænting hefur ríkt hér á landi enda er um að ræða nýjustu og minnstu ofurtölvu tæknirisans NVIDIA, sannkallaða byltingu í gervigreindarvinnslu.
Fréttir
30.10.2025
Advania hélt vikulega viðburði í Öryggisoktóber í ár. Við þökkum öllum sem tóku þátt í þessum viðburðum með okkur. Það er einstaklega ánægjulegt að sjá að margir eru með augun á netöryggismálum í Öryggisoktóber og láta sig þessi mál varða. Það var þétt setið á viðburðunum og hundruð fylgdust með útsendingum og fræddust um þennan mikilvæga málaflokk.
Blogg
30.10.2025
Það hefur ríkt mikil eftirvænting á meðal fyrirtækja á Íslandi eftir NVIDIA DGX Spark. Nýjustu og minnstu ofurtölvu NVIDIA sem nú er komin í sölu hjá Advania. Vélin, sem býður upp á petaflopp af afköstum í borðtölvuformi, hefur verið kölluð bylting í gervigreindarvinnslu og vakið gríðarlega athygli á heimsvísu.
Blogg
29.10.2025
Guðmundur Arnar Sigmundsson ræðir við Theodór Gíslason framkvæmdarstjóra og stofnanda Defend Iceland um netöryggismál og þá sérstaklega netöryggisseiglu og ógnarveiðar á veffundi í beinni útsendingu í fyrramálið. Í nýju bloggi skrifar hann um mikilvægi þess að skoða netöryggisseiglu, ógnarveiðar og villuveiðar sem heildræna nálgun.
Viltu vita meira?

Tölum saman

Viltu vita meira? Sendu okkur fyrirspurn.