Skólinn til skýjanna
Menntaskólinn á Akureyri innleiddi Office 365 fyrir skólann og nú fer mun minni tími en áður fer í að halda grunnþjónustu gangandi enda eru hugbúnaðaruppfærslur hluti af þjónustunni.
Menntaskólinn á Akureyri innleiddi Office 365 fyrir skólann og nú fer mun minni tími en áður fer í að halda grunnþjónustu gangandi enda eru hugbúnaðaruppfærslur hluti af þjónustunni.
Menntaskólinn á Akureyri (MA) er framhaldsskóli með milli 700 og 800 nemendur og rúmlega 80 starfsmenn. Skólinn byggir á langri hefð og er bóknámsskóli með bekkjakerfi. Upplýsingatækni hefur verið í öndvegi í þróun skólastarfsins sl. 20 ár og hafa kerfi skólans tekið ýmsum breytingum, nú síðast með notkun skýjalausna í bland við hýstar þjónustur (Hybrid-cloud).
Tölvupóstur og gagnageymslan OneDrive for Business voru fyrstu Office 365 þjónusturnar sem skólinn tók í notkun. Allur póstur og dagbækur starfsfólks voru flutt yfir í nýja umhverfið og heimasvæði eða N-drif voru flutt yfir í OneDrive sem nýlega var stækkað í 1Tb fyrir hvern notanda! Nú er unnið að því að setja upp SharePoint sem innri samskiptavef og stað undir öll sameiginleg skjalasvæði.
Nú á vordögum var nemendaaðgangur að Office 2013 virkjaður. Microsoft býður nemendum nú ókeypis áskrift að fullum Office 2013 pakka (Office 365 ProPlus for Students) sem verður að teljast mikill munur.
Vinnan við að færa þjónustur inn í Office 365 er í fullum gangi og fá MA-ingar ráðgjöf og stuðning Advania við þá innleiðingu. Forritið Lync verður einnig sífellt mikilvægara sem samskiptatæki starfsmanna og nemenda. Ljóst er að möguleikar á samnýtingu tækninnar hafa stóraukist eftir þessar breytingar en ef nýta á þá möguleika til hins ýtrasta verður að styðja vel við notendur með leiðbeiningum og stuðningi.
Vinnan við innleiðinguna gekk hratt og vel. Vorið fór að miklu leyti í að skipuleggja starfið og um sumar og haust var unnið mjög hnitmiðað starf sem miðaði að því að gera upphaf skólaársins áfallalaust. Það markmið tókst að langmestu leyti. Á yfirstandandi skólaári hafa verið gerðar gríðarlegar breytingar á tölvukerfi skólans og ljóst að allir innan skólans (hátt í 1000 manns) þurfa góðan stuðning til að aðlagast nýju kerfi með öllum þeim möguleikum sem nú bjóðast. Það er því nauðsynlegt að notendur fái sérstaklega góðan stuðning til að byrja með á meðan fólk er að læra á kerfið og það er að slípast til.
Viltu vita meira? Sendu okkur fyrirspurn.