imageDescription
mín að lesa

Advania verður þátttakandi í UN Global Compact á Íslandi

Advania hefur skrifað undir að gerast þátttakandi í Global Compact Sameinuðu þjóðanna á Íslandi. Global Compact er sáttmáli Sameinuðu þjóðanna og atvinnulífs um ábyrga starfshætti og stærsta sjálfbærniframtak heims, þar sem fyrirtæki og stofnanir eru hvött til góðra verka í þágu samfélagsins með sjálfbærni að leiðarljósi.

Fréttir - 6. nóvember 2024

Advania verður þátttakandi í UN Global Compact á Íslandi

Advania hefur skrifað undir að gerast þátttakandi í Global Compact Sameinuðu þjóðanna á Íslandi. Global Compact er sáttmáli Sameinuðu þjóðanna og atvinnulífs um ábyrga starfshætti og stærsta sjálfbærniframtak heims, þar sem fyrirtæki og stofnanir eru hvött til góðra verka í þágu samfélagsins með sjálfbærni að leiðarljósi.

Með þátttöku í UN Global Compact skuldbinda fyrirtæki sig til að aðlaga rekstur og starfsemi sína að tíu grundvallarmarkmiðum sáttmálans á sviði mannréttinda, vinnumarkaðsmála, umhverfis og góðum stjórnarháttum og Heimsmarkmiðum Sameinuðu þjóðanna um sjálfbæra þróun. Þannig eru fyrirtæki ekki aðeins að halda uppi grunnskyldum sínum gagnvart fólki og umhverfi, heldur einnig skapa verðmæti fyrir samfélagið og atvinnulífið auk þess að leggja grunn að árangri til lengri tíma.

Advania þekkir vel til starfsemi UN Global Compact, en Advania samstæðan hefur verið þátttakandi síðan árið 2019 og skilar inn skýrslu um framgang (Communication on Progress) til samtakanna árlega. Advania hefur nýtt sér fræðslutækifæri innan UN Global Compact með þátttöku í viðburðum og námskeiðum til að auka þekkingu og færni starfsfólks í loftslagsaðgerðum (Climate Ambition Accelerator) og samspil viðskipta og mannréttinda (Business and Human Rights Accelerator).

Hlutverk UN Global Compact er að styðja við og hvetja fyrirtæki á sinni vegferð í ábyrgum rekstri og sjálfbærni með því að veita aðgang að þekkingu og tengslaneti á heimsvísu. Starfsemi samtakanna á Íslandi er að stuðla að markvissri samvinnu samtakanna við íslenskt atvinnulíf og hraða þannig þróun í sjálfbærni.

„Við erum stolt af því að gerast þátttakandi að UN Global Compact og halda áfram að vinna með sjálfbærni að leiðarljósi. Advania á Íslandi hefur skuldbundið sig til þess að haga rekstri fyrirtækisins þannig að hin tíu grundvallarmarkmið UN Global Compact verði samtvinnuð stefnu okkar, menningu og daglegri starfsemi,“ segir Ægir Már Þórisson, forstjóri Advania á Íslandi.

„Við bjóðum Advania á Íslandi velkomið í hóp íslenskra fyrirtækja í UN Global Compact. Það er mikill styrkur fyrir samtökin á Íslandi að fá svo öflugt fyrirtæki til liðs við sig. Advania þekkir vel til starfsemi UN Global Compact og veit hvernig samtökin geta stutt við íslenskt atvinnulíf í að hraða árangri í sjálfbærni. Advania hefur náð eftirtektarverðum árangri á sviði sjálfbærni á síðustu árum og er því mikil fyrirmynd og hvatning til annarra fyrirtækja á Íslandi,“ segir Auður Hrefna Guðmundsdóttir, svæðisstjóri UN Global Compact á Íslandi.

Um 25 þúsund fyrirtæki á heimsvísu eru þátttakendur í UN Global Compact og fer starfsemi samtakanna fram í 167 löndum.

Fleiri fréttir

Blogg
02.12.2025
Í vöruflóru Dell leynist lítið en merkilegt forrit sem þú kannast kannski ekki við. Dell Display and Peripheral Manager (DDPM) er forrit sem gerir þér kleift að stjórna öllum skjáum og jaðartækjum á einum stað. Ef þú hefur ekki skoðað þetta þrælsniðuga forrit, mælum við með að þú gerir það í einum grænum.
Fréttir
28.11.2025
Guðmundur Arnar Sigmundsson netöryggis- og gagnaþróunarstjóri Advania ræddi netsvik í tengslum við afsláttardaga, í beinni útsendingu í kvöldfréttum RÚV í gær.
Blogg
18.11.2025
Í heimi upplýsingatækni er VMware lykiltækni fyrir fyrirtæki sem vilja hámarka sveigjanleika, öryggi og afköst í innviðum sínum. Advania hefur fest sig í sessi sem einn af fremstu VMware samstarfsaðilum á Norðurlöndum. Það er ekki tilviljun.
Blogg
17.11.2025
Í gegnum árin hefur samstarf Advania og Yealink byggst á trausti, nýsköpun og sameiginlegri sýn um að veita viðskiptavinum bestu mögulegu lausnir í fundar- og samskiptatækni. Langur listi ánægðra viðskiptavina er vitnisburður um gæði lausnanna og þjónustunnar sem fylgir.
Blogg
13.11.2025
Dell hefur kynnt nýjar fartölvulínur sem eru hannaðar til að mæta ólíkum þörfum á vinnustöðum. Til að einfalda valið eru þrír meginflokkar: Dell Pro, Dell Pro Premium og Dell Pro Max. Hver lína er sérsniðin að mismunandi hlutverkum innan fyrirtækja, og hjálpar starfsfólkinu að vera Pro í sinni vinnu.
Fréttir
12.11.2025
Í kvöld var tilkynnt að Microsoft hefur valið Advania sem samstarfsaðila ársins á Íslandi árið 2025 (e. Partner of the Year). Þessi viðurkenning undirstrikar einstaka þekkingu og færni Microsoft sérfræðinga Advania.
Blogg
06.11.2025
Mannauðslausnir Advania hafa unnið að því að einfalda alla umsýslu milli fyrirtækja innan samstæðu í H3.
Fréttir
01.11.2025
Það var gleðistund þegar Advania afhenti Vísindagörðum fyrstu NVIDIA DGX Spark ofurtölvuna. Mikil eftirvænting hefur ríkt hér á landi enda er um að ræða nýjustu og minnstu ofurtölvu tæknirisans NVIDIA, sannkallaða byltingu í gervigreindarvinnslu.
Fréttir
30.10.2025
Advania hélt vikulega viðburði í Öryggisoktóber í ár. Við þökkum öllum sem tóku þátt í þessum viðburðum með okkur. Það er einstaklega ánægjulegt að sjá að margir eru með augun á netöryggismálum í Öryggisoktóber og láta sig þessi mál varða. Það var þétt setið á viðburðunum og hundruð fylgdust með útsendingum og fræddust um þennan mikilvæga málaflokk.
Blogg
30.10.2025
Það hefur ríkt mikil eftirvænting á meðal fyrirtækja á Íslandi eftir NVIDIA DGX Spark. Nýjustu og minnstu ofurtölvu NVIDIA sem nú er komin í sölu hjá Advania. Vélin, sem býður upp á petaflopp af afköstum í borðtölvuformi, hefur verið kölluð bylting í gervigreindarvinnslu og vakið gríðarlega athygli á heimsvísu.
Blogg
29.10.2025
Guðmundur Arnar Sigmundsson ræðir við Theodór Gíslason framkvæmdarstjóra og stofnanda Defend Iceland um netöryggismál og þá sérstaklega netöryggisseiglu og ógnarveiðar á veffundi í beinni útsendingu í fyrramálið. Í nýju bloggi skrifar hann um mikilvægi þess að skoða netöryggisseiglu, ógnarveiðar og villuveiðar sem heildræna nálgun.
Viltu vita meira?

Tölum saman

Viltu vita meira? Sendu okkur fyrirspurn.