imageDescription
mín að lesa

Ráðleggingar vegna vefveiðipósta sem eru enn í umferð

Fréttir - DD.11.YYYY

Ráðleggingar vegna vefveiðipósta sem eru enn í umferð

Bjarki Traustason
öryggisráðgjafi og sölustjóri Skjaldar hjá Advania

Við vekjum athygli á að enn eru vefveiðipóstar að berast til íslenskra fyrirtækja. Í þessari viku hafa fjölmargir aðilar sem eru ekki á bak við varnir Skjaldar haft samband og óskað eftir aðstoð við hreinsun og yfirferð á umhverfum sínum. Við viljum því eindregið hvetja fyrirtæki til að upplýsa starfsfólk sitt um að vera á varðbergi og nýta „Report Phishing“ hnappinn við ef einhver grunur er um ólögmæta pósta.

Hvað er að gerast? – Yfirlit yfir vefveiðiherferðina

CERT-IS og margir viðskiptavinir Skjaldar hafa greint frá mjög trúverðugri svikaherferð sem byggir á Excel-skjölum og fölsuðum Microsoft-innskráningum. Póstarnir virðast koma frá traustum aðilum hér á landi en aðgangurinn er svo tekinn yfir og notaður til að senda herferðina áfram. Þetta gerir árásina aðgengilega, sannfærandi og sérlega varasama.

Helstu skref árásarinnar:

  1. Póstur frá traustum aðila (búið að taka yfir aðgang hjá raunverulegu íslensku fyrirtæki).
  2. Excel-skjal í viðhengi merkt sem „reikningur“ eða „invoice“.
    -Athugið að bara við það að opna skjalið, geta átt sér stað aðgerðir á bak við tjöldin.
  3. Hlekkur í skjalinu opnar falsaða Microsoft-innskráningu.
  4. Notandi slær inn netfang + lykilorð + MFA, og árásaraðili fær „session token“ og kemst yfir aðgangsupplýsingarnar.
  5. Aðgangurinn er svo notaður til að senda nýja bylgju pósta á fleiri fyrirtæki.

Staðan hjá þeim sem eru á bak við Skjöld hjá Advania

Fyrirtæki sem eru með varnir Skjaldar fá yfirleitt ekki þessar sendingar inn á pósthólfin sín, því viðskiptavinir Skjaldar eru með aukna póstvörn. Í stöku tilfellum geta þessir póstar sést í örskamma stund en hverfa svo þegar varnir okkar hafa sannreynt að um svikapóst er að ræða.

Þó er vert að nefna að í þessum herferðum koma póstar frá lögmætum íslenskum aðilum, svo það getur komið fyrir að allar varnir, hvort sem það er Skjöldur, Microsoft eða aðrar , grípi ekki póstinn strax, því hann kemur frá lögmætu, raunverulegu fyrirtæki.

Mikilvægt að vita: Ef notandi smellir óvart á hlekk eða opnar skjal sem inniheldur vírus, þá fara af stað viðvörunarbjöllur hjá vörnum Skjaldar og teymið okkar fer í málið.

Ráðleggingar til fyrirtækja sem eru ekki í Skildi

  • Upplýsið starfsfólk tafarlaust
    • Varið við óvæntum póstum sem innihalda Excel-skjöl
    • Skoðið og lesið vel lén á innskráningarsíðum (til dæmis Login.microsoftonline.com) og staðfestið að það sé rétt lén
    • Notið „Report Phishing“ við minnstu efasemdir
  • UT deildir ættu að fylgjast vel með innskráningum og aðgangsstillingum
    • Athugið óeðlilegar innskráningar frá útlöndum
    • Farið yfir nýjar eða óþekktar póstreglur
    • Skoðið hvort „Perfect Data“ er tengt aðganginum (því það getur exportað gögnum)
  • Ef grunur vaknar um aðgangsmissi
    • Veljið „Revoke all sessions“
    • Endursetjið lykilorð
    • Endursetjið MFA á ný
    • Fjarlægið einnota lykilorð (OTP) ef þau hafa verið virkjuð
    • Athugið fleiri aðganga sem gætu verið í hættu
  • Tilkynnið atvikið
    • CERT-IS tekur við tilkynningum um öryggisatvik
    • Persónuvernd gæti þurft að fá tilkynningu ef pósthólf eða gögn hafa verið lesin

Við erum tilbúin til þess að aðstoða!

Ef þið viljið aðstoð við greiningu, ráðgjöf, hreinsunarvinnu eða einfaldlega skoða þann möguleika að komast á bak við varnir Skjaldar, öryggisþjónustu Advania, þá erum við til taks og svörum hratt.

Við erum hér til að styðja ykkur, bæði í forvörnum og þegar atvik koma upp.

Fleiri fréttir

Blogg
24.11.2020
Nú á tímum þar sem mikið er talað um stafræna umbreytingu og sjálfvirkni er tilvalið að benda á Power Apps og Microsoft Power Platform sem áhugaverðan valkost í slíkum verkefnum. Sífellt fleiri eru nú að færa starfsemi sína í Microsoft 365 skýið og hafa þar af leiðandi aðgang að þessum lausnum.
Fréttir
10.11.2020
Íslandsbanki, Advania, NTV og Promennt hafa tekið höndum saman til að vekja athygli kvenna á kerfisstjórnun. Mikil eftirspurn er eftir menntuðum kerfisstjórum í atvinnulífinu en aðeins örfáar konur útskrifast árlega úr námi i kerfisstjórnun.
Blogg
04.11.2020
Dell Optimizer fylgir flestum nýjum fartölvum og borðtölvum frá Dell. Optimizer er sjálfvirk gervigreind sem lærir hegðun notandans, greinir hvernig hann vinnur og fínstillir vélina eftir þörfum svo notandinn geti einbeitt sér að þeim verkefnum sem skipta máli.
Blogg
29.10.2020
Tæknileg leitarvélabestun felur í sér að bæta, skrá (index) eða byggja upp frá grunni undirstöður vefsvæðis og bæta þar með læsileika þess. Hér að neðan má finna lista sem ekki er tæmandi en gefur einhverja hugmynd um það sem þarf að hafa í huga. .
Fréttir
29.10.2020
Hugbúnaðarsérfræðingurinn Arnór Geir Halldórsson hlaut á dögunum viðurkenningu frá Dynamicweb fyrir framúrskarandi starf á árinu.
Fréttir
30.09.2020
Eftir árangurslausa leit að lausn til halda árlega Haustráðstefnu Advania með stafrænum hætti, ákváðum við að smíða okkar eigin. Útkoman var fjölmennasta og best heppnaða ráðstefna okkar í 26 ár.
Fréttir
24.09.2020
Spjallmennið Fróði aðstoðar Íslandsbanka við að veita viðskiptavinum bankans betri þjónustu. Advania kom að hönnun Fróða en hann byggir á þaulreyndri spjallmennalausn sem nokkrir af stærstu bönkum Norðurlanda nýta sér.
Fréttir
10.09.2020
Framundan er vetur sem margir kvíða. Atvinnuleysi er hærra en oft áður. Heilu atvinnugreinarnar róa lífróður og enginn veit hvenær heimsfaraldurinn lognast útaf. Það sem við vitum þó er að undanfarna mánuði hefur upplýsingatæknin haldið samfélögum gangandi.
Blogg
08.09.2020
Nú er um að gera að setja sig í stellingar því Haustráðstefnan er handan við hornið. Við erum að tengja síðustu kaplana og spennan magnast.
Fréttir
03.09.2020
Haustráðstefna Advania hefur verið haldin árlega í aldarfjórðung. Ráðstefnan er sú elsta sinnar tegundar í Evrópu og einn stærsti tækniviðburður sem haldinn er á Íslandi.
Blogg
17.08.2020
Nokkur atriði til að hafa í huga til að spjallmenni skili góðri upplifun og þjónustu.
Fréttir
13.08.2020
Eftirlitskönnun Þjóðskjalasafns leiddi í ljós að skjalastjórn hjá opinberum stofunum sé stórlega ábótavant. Tilvalið er að nota Office 365 til rafrænna skila á gögnum til Þjóðskjalasafns Íslands.
Viltu vita meira?

Tölum saman

Viltu vita meira? Sendu okkur fyrirspurn.