imageDescription
mín að lesa

Svona var Öryggisoktóber hjá Advania í ár

Advania hélt vikulega viðburði í Öryggisoktóber í ár. Við þökkum öllum sem tóku þátt í þessum viðburðum með okkur. Það er einstaklega ánægjulegt að sjá að margir eru með augun á netöryggismálum í Öryggisoktóber og láta sig þessi mál varða. Það var þétt setið á viðburðunum og hundruð fylgdust með útsendingum og fræddust um þennan mikilvæga málaflokk.

Fréttir - 31. október 2025

Svona var Öryggisoktóber hjá Advania í ár

Sylvía Rut Sigfúsdóttir
samskiptastjóri Advania

Advania hélt vikulega viðburði í Öryggisoktóber í ár. Við þökkum öllum sem tóku þátt í þessum viðburðum með okkur. Það er einstaklega ánægjulegt að sjá að margir eru með augun á netöryggismálum í Öryggisoktóber og láta sig þessi mál varða. Það var þétt setið á viðburðunum og hundruð fylgdust með útsendingum og fræddust um þennan mikilvæga málaflokk.

Við hófum Öryggisoktóber á morgunverðarfundinum Öryggi í takt við tímann. Hundruð gesta fylgdust með viðburðinum í höfuðstöðvum okkar í Guðrúnartúni 10, starfsstöð okkar á Akureyri og á netinu.

Gagnagíslatökur, fyrirmælasvik, netveiðar, DDoS árásir, þekktir veikleikar og öryggi einstakra kerfa. Hvar misstir þú þráðinn? Á þessum fundi fórum við aftur í kjarnann, hvað skiptir máli og hvernig fyrirtæki geta nálgast öryggismál á raunhæfan hátt.

Við heyrðum frá sérfræðingum stórra fyrirtækja auk Advania, sem deildu reynslu og aðferðarfræði til að greina aðalatriðin frá aukaatriðum. Stafrænt öryggi er lífsnauðsynlegt fyrir langflest fyrirtæki, en það þýðir ekki að það þurfi að umbreyta allri starfsemi til að ná árangri.

Á veffundinum Frá áskorun til árangurs fóru Hafsteinn Guðmundsson framkvæmdastjóri rekstrarlausna hjá Advania og Hildur Sif Haraldsdóttir yfirlögfræðingur Advania yfir nýtt regluverk frá ESB – NIS2 og DORA.

Nýja regluverkið setur auknar kröfur um netöryggi, ábyrgð stjórnenda og viðbúnað hjá aðilum sem falla undir löggjöfina. Á fundinum deildu þau reynslu af innleiðingu innan Advania, skoðuðu helstu áskoranir og ræddu hvernig fyrirtæki geta undirbúið sig og nýtt sér stuðning þjónustuveitanda upplýsingatækni í ferlinu.

Viku síðar héldum við veffundinn Í öruggum höndum - Viðtöl við sérfræðinga Ambaga og CERT-IS.

Arnar Ágústsson deildarstjóri hjá Rekstrarlausnum Advania ræddi við Aðalstein Jónsson netöryggissérfræðing hjá CERT-IS og Jóhann Þór Kristþórsson forstjóra og meðstofnanda Ambaga en allir þrír komu fram á Haustráðstefnu Advania í síðasta mánuði.

Á fundinum ræddu þeir árásarprófanir (pentest) sem hjálpa fyrirtækjum að skilja viðnámsþrótt sinn og aðgerðir sem fyrirtæki geta farið í til þess að lágmarka skaða af óvæntu rofi á netsambandi.

Guðmundur Arnar skrifaði blogg um netöryggisseiglu sem vakti mikla athygli. Afleiðingar af áhrifamikilli netárás á fyrirtæki geta verið mjög alvarleg. Tölfræði er misvísandi en mismunandi rannsóknir segja að 20-60% lítilla og millistórra fyrirtækja hafi til dæmis hætt starfsemi í einhverri mynd innan sex mánaða eftir vel heppnaða gagnagíslatökuárás.

Á sama tíma er öll tölfræði að sýna mikinn vöxt allra tegunda netárása milli ára, ár eftir ár. Það er því heilbrigt fyrir fyrirtæki og stofnanir að horfa lengra en til hefðbundinna netvarna því í dag er spurningin ekki lengur hvort fyrirtæki verða fyrir netárás, heldur hvenær. Áherslurnar verða því ekki eingöngu á að grípa það að koma í veg fyrir árásina heldur einnig á að lágmarka áhrifin þannig að starfsemi geti haldið áfram án truflana.

Þarna kemur netöryggisseigla (e. cyber resilience) inn í myndina. Hún snýst ekki bara um að verja sig, heldur um að geta haldið starfsemi gangandi jafnvel þótt alvarleg atvik komi upp.

Guðmundur Arnar Sigmundsson lokaði svo Öryggisoktóber með veffundinum Netöryggisseigla og ógnarveiðar. Þar ræddi hann í beinni útsendingu við Theodór Gíslason framkvæmdarstjóra og stofnanda Defend Iceland um netöryggismál. Hér fyrir neðan má sjá upptöku af viðburðinum.

Svöruðu þeir meðal annars því hvað hugtökin netöryggisseigla og ógnarveiðar þýða, hvernig þau tengjast og hvernig þau varpast yfir á almenna notendur upplýsingatæknikerfa sem og rekstaraðila.

Vertu í öruggum höndum!

Advania býður upp á allar gerðir öryggislausna. Sérfræðingar okkar aðstoða vinnustaði við að fara yfir öryggismál þeirra.

Fleiri fréttir

Blogg
02.12.2025
Í vöruflóru Dell leynist lítið en merkilegt forrit sem þú kannast kannski ekki við. Dell Display and Peripheral Manager (DDPM) er forrit sem gerir þér kleift að stjórna öllum skjáum og jaðartækjum á einum stað. Ef þú hefur ekki skoðað þetta þrælsniðuga forrit, mælum við með að þú gerir það í einum grænum.
Fréttir
28.11.2025
Guðmundur Arnar Sigmundsson netöryggis- og gagnaþróunarstjóri Advania ræddi netsvik í tengslum við afsláttardaga, í beinni útsendingu í kvöldfréttum RÚV í gær.
Blogg
18.11.2025
Í heimi upplýsingatækni er VMware lykiltækni fyrir fyrirtæki sem vilja hámarka sveigjanleika, öryggi og afköst í innviðum sínum. Advania hefur fest sig í sessi sem einn af fremstu VMware samstarfsaðilum á Norðurlöndum. Það er ekki tilviljun.
Blogg
17.11.2025
Í gegnum árin hefur samstarf Advania og Yealink byggst á trausti, nýsköpun og sameiginlegri sýn um að veita viðskiptavinum bestu mögulegu lausnir í fundar- og samskiptatækni. Langur listi ánægðra viðskiptavina er vitnisburður um gæði lausnanna og þjónustunnar sem fylgir.
Blogg
13.11.2025
Dell hefur kynnt nýjar fartölvulínur sem eru hannaðar til að mæta ólíkum þörfum á vinnustöðum. Til að einfalda valið eru þrír meginflokkar: Dell Pro, Dell Pro Premium og Dell Pro Max. Hver lína er sérsniðin að mismunandi hlutverkum innan fyrirtækja, og hjálpar starfsfólkinu að vera Pro í sinni vinnu.
Fréttir
12.11.2025
Í kvöld var tilkynnt að Microsoft hefur valið Advania sem samstarfsaðila ársins á Íslandi árið 2025 (e. Partner of the Year). Þessi viðurkenning undirstrikar einstaka þekkingu og færni Microsoft sérfræðinga Advania.
Blogg
06.11.2025
Mannauðslausnir Advania hafa unnið að því að einfalda alla umsýslu milli fyrirtækja innan samstæðu í H3.
Fréttir
01.11.2025
Það var gleðistund þegar Advania afhenti Vísindagörðum fyrstu NVIDIA DGX Spark ofurtölvuna. Mikil eftirvænting hefur ríkt hér á landi enda er um að ræða nýjustu og minnstu ofurtölvu tæknirisans NVIDIA, sannkallaða byltingu í gervigreindarvinnslu.
Fréttir
30.10.2025
Advania hélt vikulega viðburði í Öryggisoktóber í ár. Við þökkum öllum sem tóku þátt í þessum viðburðum með okkur. Það er einstaklega ánægjulegt að sjá að margir eru með augun á netöryggismálum í Öryggisoktóber og láta sig þessi mál varða. Það var þétt setið á viðburðunum og hundruð fylgdust með útsendingum og fræddust um þennan mikilvæga málaflokk.
Blogg
30.10.2025
Það hefur ríkt mikil eftirvænting á meðal fyrirtækja á Íslandi eftir NVIDIA DGX Spark. Nýjustu og minnstu ofurtölvu NVIDIA sem nú er komin í sölu hjá Advania. Vélin, sem býður upp á petaflopp af afköstum í borðtölvuformi, hefur verið kölluð bylting í gervigreindarvinnslu og vakið gríðarlega athygli á heimsvísu.
Blogg
29.10.2025
Guðmundur Arnar Sigmundsson ræðir við Theodór Gíslason framkvæmdarstjóra og stofnanda Defend Iceland um netöryggismál og þá sérstaklega netöryggisseiglu og ógnarveiðar á veffundi í beinni útsendingu í fyrramálið. Í nýju bloggi skrifar hann um mikilvægi þess að skoða netöryggisseiglu, ógnarveiðar og villuveiðar sem heildræna nálgun.
Viltu vita meira?

Tölum saman

Viltu vita meira? Sendu okkur fyrirspurn.