imageDescription
mín að lesa

Áskoranir í aðfangakeðju tæknibúnaðar

Undanfarin vikur hafa orðið sýnilegar breytingar í aðfangakeðju tæknibúnaðar. Þetta hefur áhrif á allan heimsmarkaðinn fyrir tölvu- og upplýsingatæknibúnað. Helsta vandamálið er skortur á mikilvægum íhlutum, sérstaklega vinnsluminni eins og DRAM og NAND.

Blogg - 24. mars 2026

Áskoranir í aðfangakeðju tæknibúnaðar

Valtýr Gíslason
Sölusérfræðingur miðlægra lausna

Undanfarin vikur hafa orðið sýnilegar breytingar í aðfangakeðju tæknibúnaðar. Þetta hefur áhrif á allan heimsmarkaðinn fyrir tölvu- og upplýsingatæknibúnað. Helsta vandamálið er skortur á mikilvægum íhlutum, sérstaklega vinnsluminni eins og DRAM og NAND.

Þessi áskorun hefur leitt til minni framboðs á búnaði, lengri framleiðslutíma og óvæntra verðbreytinga. Ástæðurnar eru m.a takmarkanir á hráefni og íhlutum, hækkandi kostnaður við framleiðslu og mjög aukin eftirspurn vegna verkefna tengdum gervigreind, sem þurfa mikið vinnsluminni. Þetta hefur valdið aukinni eftirspurn og framleiðendur og birgjar eru að reyna að anna henni eftir bestu getu. Nánast allir stórir framleiðendur og dreifingaraðilar tæknibúnaðar hafa greint frá erfiðleikum með lagerstöðu og varanlegum verðhækkunum, sem nú þegar hafa haft áhrif á verðlag.

Hvaða áhrif hefur þetta á viðskiptavini?

Þetta er ekki áskorun sem snýr eingöngu að Advania, en allur upplýsingatæknigeirinn finnur fyrir þessu og talið er að staðan haldist svipuð út árið 2026 og jafnvel 2027. Ekki er gert ráð fyrir algjörum skorti á búnaði, en viðskiptavinir mega  búast við skemmri tilboðsfresti, lengri afhendingartíma, verðhækkunum og tíðari verðbreytingum. Afhendingartími ramleiðenda er einnig orðinn ófyrirsjáanlegri, sérstaklega fyrir vinsælan búnað.

Allt þetta gerir skipulagningu í innkaupum á tæknibúnaði mikilvægari en nokkru sinni fyrr.
Viðskiptavinir sem hefja samtal snemma og hafa skýra áætlun fyrir sín innkaup, geta átt von á betra aðgengi að búnaði og fyrirsjáanlegri afhendingu. Verkefni sem eru sett af stað með litlum fyrirvara geta hins vegar staðið frammi fyrir meiri áskorunum við að útvega réttan búnað á réttum tíma.

Hvernig við aðstoðum viðskiptavini

Advania keppist við að upplýsa  viðskiptavini um stöðuna eins fljótt og hægt er, svo hægt sé að aðlaga áætlanir tímanlega. Til að draga úr áhrifum fylgjumst við stöðugt með verði, afhendingartíma og framboði hjá framleiðendum og dreifingaraðilum. Einnig nýtum við náin tengsl okkar við samstarfsaðila í aðfangakeðjunni til að forgangsraða brýnum þörfum viðskiptavina. Ef ákveðinni vöru seinkar eða verð hækkar óeðlilega, þá ráðleggja sérfræðingar okkar um aðrar lausnir eða hjálpa til við að breyta kröfum eða útfærslum þar sem það er mögulegt.

Við leggjum einnig áherslu á að viðskiptavinir skipuleggi framtíðarverkefni og endurnýjun búnaðar með góðum fyrirvara, til að minnka áhættu vegna sveiflna á markaði.
Viðskiptavinir með stærri verkefni eða reglubundna endurnýjun á búnaði eru hvattir til að hafa samband við okkur sem fyrst, svo við getum aðstoðað og veitt ráðgjöf eins og hægt er.

Ef þú ert með fyrirhuguð búnaðarkaup eða vilt fara yfir áætlanir í ljósi aðstæðna á markaði, hafðu endilega samband við sérfræðinga okkar.

Við munum halda áfram að miðla upplýsingum eftir því sem staðan þróast.

Fleiri fréttir

Blogg
02.12.2025
Í vöruflóru Dell leynist lítið en merkilegt forrit sem þú kannast kannski ekki við. Dell Display and Peripheral Manager (DDPM) er forrit sem gerir þér kleift að stjórna öllum skjáum og jaðartækjum á einum stað. Ef þú hefur ekki skoðað þetta þrælsniðuga forrit, mælum við með að þú gerir það í einum grænum.
Fréttir
28.11.2025
Guðmundur Arnar Sigmundsson netöryggis- og gagnaþróunarstjóri Advania ræddi netsvik í tengslum við afsláttardaga, í beinni útsendingu í kvöldfréttum RÚV í gær.
Blogg
18.11.2025
Í heimi upplýsingatækni er VMware lykiltækni fyrir fyrirtæki sem vilja hámarka sveigjanleika, öryggi og afköst í innviðum sínum. Advania hefur fest sig í sessi sem einn af fremstu VMware samstarfsaðilum á Norðurlöndum. Það er ekki tilviljun.
Blogg
17.11.2025
Í gegnum árin hefur samstarf Advania og Yealink byggst á trausti, nýsköpun og sameiginlegri sýn um að veita viðskiptavinum bestu mögulegu lausnir í fundar- og samskiptatækni. Langur listi ánægðra viðskiptavina er vitnisburður um gæði lausnanna og þjónustunnar sem fylgir.
Blogg
13.11.2025
Dell hefur kynnt nýjar fartölvulínur sem eru hannaðar til að mæta ólíkum þörfum á vinnustöðum. Til að einfalda valið eru þrír meginflokkar: Dell Pro, Dell Pro Premium og Dell Pro Max. Hver lína er sérsniðin að mismunandi hlutverkum innan fyrirtækja, og hjálpar starfsfólkinu að vera Pro í sinni vinnu.
Fréttir
12.11.2025
Í kvöld var tilkynnt að Microsoft hefur valið Advania sem samstarfsaðila ársins á Íslandi árið 2025 (e. Partner of the Year). Þessi viðurkenning undirstrikar einstaka þekkingu og færni Microsoft sérfræðinga Advania.
Blogg
06.11.2025
Mannauðslausnir Advania hafa unnið að því að einfalda alla umsýslu milli fyrirtækja innan samstæðu í H3.
Fréttir
01.11.2025
Það var gleðistund þegar Advania afhenti Vísindagörðum fyrstu NVIDIA DGX Spark ofurtölvuna. Mikil eftirvænting hefur ríkt hér á landi enda er um að ræða nýjustu og minnstu ofurtölvu tæknirisans NVIDIA, sannkallaða byltingu í gervigreindarvinnslu.
Fréttir
30.10.2025
Advania hélt vikulega viðburði í Öryggisoktóber í ár. Við þökkum öllum sem tóku þátt í þessum viðburðum með okkur. Það er einstaklega ánægjulegt að sjá að margir eru með augun á netöryggismálum í Öryggisoktóber og láta sig þessi mál varða. Það var þétt setið á viðburðunum og hundruð fylgdust með útsendingum og fræddust um þennan mikilvæga málaflokk.
Blogg
30.10.2025
Það hefur ríkt mikil eftirvænting á meðal fyrirtækja á Íslandi eftir NVIDIA DGX Spark. Nýjustu og minnstu ofurtölvu NVIDIA sem nú er komin í sölu hjá Advania. Vélin, sem býður upp á petaflopp af afköstum í borðtölvuformi, hefur verið kölluð bylting í gervigreindarvinnslu og vakið gríðarlega athygli á heimsvísu.
Blogg
29.10.2025
Guðmundur Arnar Sigmundsson ræðir við Theodór Gíslason framkvæmdarstjóra og stofnanda Defend Iceland um netöryggismál og þá sérstaklega netöryggisseiglu og ógnarveiðar á veffundi í beinni útsendingu í fyrramálið. Í nýju bloggi skrifar hann um mikilvægi þess að skoða netöryggisseiglu, ógnarveiðar og villuveiðar sem heildræna nálgun.
Viltu vita meira?

Tölum saman

Viltu vita meira? Sendu okkur fyrirspurn.